› 選擇地區
三藩市
紐約
洛杉磯
其他美國地區
香港 台灣 北美
 
2016年04月29日

黃毓民黃定光 庭上互窒「你大我呀」
官:呢度唔係嗌交地方

【立會掟杯案】
【本報訊】民建聯議員黃定光續就「掟杯案」受盤問,黃毓民昨不再糾纏於他嗜睡一事,但三番四次要求黃定光描述案發現場、要求指出聲稱受驚的梁振英及他倆在會議廳所在位置。兩位年過半百的議員庭上不但互斥對方「發爛渣」,又互窒「你大我呀」,需裁判官調停:「呢個地方唔係證人同被告嗌交嘅地方!」
記者:楊思雅

黃定光在盤問下承認當時只見黃毓民潑水、不見他掟杯,事後聽到玻璃碎裂聲始知黃毓民「狼到連個杯都掟出去」。黃定光以「掟水影」形容襲擊動作,黃毓民追問「何謂掟水影」,「『水影』有得掟嘅咩?」黃定光則謂「如果你玩字蝨,冇得講!」黃毓民續窮追不捨質疑「水冇得掟喎」,黃定光晦氣答「你斷章取義,我唔明你教書教成點」,並向法庭申請不作答但遭拒,黃毓民聞言冷笑「唔到你(話事)呀」。
對於黃定光在書面供詞自稱清楚目睹整個掟杯過程,黃毓民質疑他根本看不清楚經過,要求他在會議廳圖則上標示兩人及梁位置,但黃定光以圖則與現場不符拒答,重複「答你唔到、答你唔到」。黃毓民要求他透過閉路電視片段截圖辨認,黃定光又以「梁振英個樣出唔到嚟」為由拒絕。

黃定光疑不懂Apps意思

黃毓民盤問時一度誤將「圓圈」錯指「三角形」,黃定光批評他亂發問。黃毓民聞言激動拍枱說:「你唔好大我呀!」黃定光反指:「係你大我呀!」黃定光又批評黃毓民問題「一嚿嚿」,雙方互斥「發爛渣」。黃毓民又諷黃定光「又話戴漸進鏡,又話冇老花,觀察力又咁差」,黃定光欲反駁但遭官打斷:「呢個地方唔係證人同被告嗌交嘅地方!」黃毓民及後不斷就玻璃碎片、紙張等位置盤問,黃定光不耐煩地指黃毓民吹毛求疵,黃毓民遂說「咁我就慢慢問」,黃定光即投訴黃毓民語帶威嚇,又指問題重複「係考驗我嘅記憶力,好冇必要」。
此外,年過60歲的黃毓民及黃定光一度就「Apps」爭拗,黃毓民指黃定光在案發期間低頭用電話,未有關注案發經過。黃定光解釋當時「寫緊Apps」,被黃毓民諷刺:「咩Apps?你用咩Apps寫Apps?」又指「你問吓啲後生仔咩叫Apps,Apps係應用程式呀」。案件今續。
案件編號:ESCC2615/15

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載