› 選擇地區
三藩市
紐約
洛杉磯
其他美國地區
香港 台灣 北美
 
2016年04月24日

長者控訴︰咁嘅「魚毛」賣36蚊斤

郭先生展示於天瑞街市所買的白䱽魚,控訴物價過高。張志華攝

【本報訊】不少基層市民聚居的天水圍,由領展擁有區內5個街市,嚴重壟斷使百物騰貴。
居於天晴邨7年的郭先生昨早到天瑞邨購買一斤白䱽魚,並即場展示其中兩尾,控訴價錢昂貴,「咁嘅魚毛都賣36蚊斤呀!」他指,同樣份量在元朗及屯門新墟街市,售價平逾10元,批評政府偏袒大財團、商家,犧牲基層利益。
郭先生昨出席天水圍街市服務意見調查記者會,甫坐下便批評領展令區內居民「冇啖好食」,為表不滿,他在記者會開始前離席,步行至天瑞街市買來一斤白䱽魚,向記者展示其中兩尾小魚。

相關新聞:領展壟斷天水圍 街市專賣貴價貨天耀街市關閉 居民被迫跨區買餸

多番投訴不果

他指,由於天水圍少選擇,各街市「賣乜都貴」,餸菜較元朗及屯門貴至少一成,以一斤菜為例,若在屯門、元朗街市賣12元,在天水圍便索價18元。
郭指,自己年屆71歲,能使用長者乘車優惠,故他隔天便會跨區到屯門、元朗買餸,「有得揀梗係食平啲啦。」若被迫在區內買餸,他絕不會到頌富街市,因多人光顧,極之擠迫,「啲攤檔都唔憂做,我哋就無得揀。」惟有步行至天瑞或天盛,他嘆道:「有時見到啲菜貴,真係買唔起,惟有唔好食咁好囉。」
他批評政府不顧民意,長期未在區內開設食環署街市,令居民須勒緊褲頭過活,又指曾就問題多番投訴不果,「特首有幾時幫到我哋吖,佢最叻係幫有錢人。」
■記者廖梓霖

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載