› 選擇地區
三藩市
紐約
洛杉磯
其他美國地區
香港 台灣 北美
 
2016年04月21日

退休做乜好?
工作假期跳出框框

7個女人在異國一個陌生廚房合力炮製5餸1湯,可有甚麼想像?七嘴八舌還是手忙腳亂?余月豪笑說充滿挑戰,「短時間攞到7個人共識,真係好感恩」;莊月清最順得人也最善忘,「好多時唔記得呢樣唔記得嗰樣」;負責洗碗的陳靜嫻最識食,「煮出嚟ok嘅」。這7個女生退下職場後,踏上一趟工作假期,跟韓農落田耕種、醃製泡菜,下廚交流,為自己開拓青䓤的退休生活。
記者:王家文

「交就冇鬧,但好緊張。」陳靜嫻憶述,各人都想認真做好一餐飯,宴請韓國人。但資源有限,手上只得8萬韓圜(折合港幣約550元),不能買東又買西,惟有將貨就價;走進超市,大部份貨品都寫韓文,雞同鴨講,你一言我一語,7個人可能有19種想法,情緒自然緊崩,「有啲話我講咗畀你聽啦,如果你堅持要呢樣就唔夠錢,達唔到目的;後來有啲就話,睇多陣先啦」。

人多就要妥協,最終買齊菜,但女人下廚,最忌不熟架步。「7個人去煮餐飯,而嗰個廚房你又唔熟悉,7個人切嘢、煮嘢,你可以想像到係一個混亂場面」。余月豪(毫子)說,旅程前上了8堂課,認識彼此性格和長處,在旅途中大家都表現真我,滿是挑戰,也真情流露。最後花了2小時弄製沙薑雞、糯米飯和南瓜湯等,宴請當地韓農和學生共30人。

她們7人先後退下職場,去年參加聖雅各福群會「拉闊假期」計劃,到韓國交流7天,跟當地農民學有機耕種、醃製泡菜。陳靜嫻退休前是註冊護士,也是假日農夫,屬玩票性質,「但求有汗出冇糧出」。這次跟韓農取經,種洋䓤、摘南瓜,叫她大開眼界,「要對植物有感情」。

一個南瓜動輒重數公斤,韓農堅持全人手收割,不用機器。她說起初摘下南瓜後,逐個拋給同伴運送到田邊,但原來此舉會令南瓜內的果實鬆脫,「要當佢係baby(嬰兒)咁抱住」。韓農這番話,教曉她植物也有生命,回港後落田耕種,她不時跟瓜菜「傾計」,「嗱,我種得好辛苦㗎,幫吓手啦」。

毫子坦言,以前覺得有機農作物價錢貴,不划算;但體會過當中的困難和韓農的堅持,開始改變習慣,更收集橙皮、蛋殼和咖啡渣等,交給陳靜嫻作有機肥料。原當行政人員的毫子48歲退下職場,隨丈夫周遊列國。她喜歡自由行,丈夫習慣跟團,旅程千篇一律,她笑言有時都忘了去過哪裏旅行。

年輕時拼搏工作,錯過了當背包客的勇往直前,毫子決定一個人參加工作假期,填補人生閱歷。7天旅程讓她重新計劃人生,訂下目標,每天學習新事物,學射箭、跳舞,「家我就走出咗自己屋企個框框」。

莊月清(阿莊)也是撇低丈夫參加工作假期,旅程中不時「大頭蝦」遺留東西,「之前同老公去旅行,好多嘢由佢安排,唔需要理,家一個人行出嚟,樣樣都要靠自己」。退休後照顧孫兒6年,女兒鼓勵她擴闊社交圈子,「我哋年紀大,應該多啲為吓自己諗,最緊要踏出第一步,令日後生活充實啲,唔會覺得悶,你開心自不然身體好,唔會有咁多胡思亂想」。

聖雅各福群會「拉闊假期」計劃主要為50至65歲或以上退休人士而設,男女皆可,須經面試及完成8堂訓練,費用8,000元,包括7天食宿及機票等。現接受報名,今年首團於下月18日出發,詳情可致電:2596 2719查詢。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載