› 選擇地區
三藩市
紐約
洛杉磯
其他美國地區
香港 台灣 北美
 
2016年04月10日

街頭被斬斷手
巴基明︰有人出500萬隊冧我

【本報訊】因追隨黑幫和勝和前坐館「上海仔」郭永鴻,而成為江湖上出位人物的「巴基明」,日前在土瓜灣街頭遭刀手狂斬,身中10多刀幾乎喪命,左手亦被斬斷,送院急救後始逃出鬼門關,昨午他躺卧醫院病床接受《蘋果》訪問,聲稱︰「左手斷晒,斷開3截,頭、背及左腳都受咗傷!」他在訪問中更大爆:「呢個係事實嚟,有人出3,000萬搞阿郭生(上海仔),出到500萬要隊冧我!」
「幾日冇食飯,好肚餓!」前日剛做了8小時手術,死裏逃生的巴基明在病床上接受訪問時,說話緩慢、中氣不足,身體仍很虛弱,需要戴氧氣喉協助呼吸,病房內有兩名警員守護,任何人前來探望,均要被警員檢查身份。

「3,000萬追殺令搞郭生」

江湖人士稱「南亞兵」頭目的巴基明(47歲),自稱做回收生意,上周三(6日)晚,他和友人到土瓜灣上鄉道收電話,其間3輛車、包括私家車、七人車及客貨Van駛至,約12人跳下向他們追斬,他形容兇徒中一半為本地人,一半為巴基斯坦同鄉。他本能反應以左手臂擋格,卻被斬開三截,亂刀下他反問兇徒:「我得罪你啲咩?」對方稱「X叫我哋斬你,出到500萬」。其友人亦身中多刀倒地,頭面被斬兩道逾5吋長疤痕。
雖然刀手無表明動機,但巴基明聲稱知誰是主謀。近日有同鄉向他警告,有人下達「江湖追殺令」懸賞500萬元買兇斬他,而「上海仔」亦榜上有名,「3,000萬搞阿郭生」。遇襲受傷後,巴基明收到上海仔的秘書來電慰問傷勢及詢問有何需要,另已向巴基斯坦駐港領事館求助,坦言擔心人身安全。他聲稱自己不會搞亂香港:「我都有香港身份證!」希望警方及港府能提供協助。
《蘋果》記者

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載