› 選擇地區
三藩市
紐約
洛杉磯
其他美國地區
香港 台灣 北美
 
2016年04月10日

露營學生:似樓梯冇行山feel

一班行山的學生指,郊野石屎化令人失去行山趣味。

【不滿工程】
記者邀請王利民帶領步行其中一條被指「石屎化」的元荃古道,路程中遇上一班參與青年獎勵計劃、在郊野露營度過三日兩夜的學生。他們感慨山野石屎化,其中麥同學認為九龍坑山超過400米山徑過度石屎化,「全程都係石屎樓梯,你係搵唔到泥路,冇咗行山嗰種feel(感覺),好似淨係行樓梯咁」。

相關新聞:星期日專題:郊遊徑鋪石屎毀環境行山友斥區議會嘥錢立「功績」

石屎路失挑戰性

麥同學估計政府鋪石屎想降低行山的門檻,王利民分析城市人慣了行石屎路,才認為泥路難行,「如果要行山嘅,咁我梗係想行返一條自然泥路、山路,唔需要行一條街道、公司附近行慣行熟嘅馬路」。
他又笑言:「呢度唔係海洋公園、呢度亦唔係迪士尼樂園。」鄭同學認為石屎路令行山失去挑戰性和趣味,亦會破壞生態。
行山人士許先生指近年在麥理浩徑、衛奕信徑陸續見到鋪石屎工程,他直言支持山野無石屎,「行山都係為咗行泥路箒!」林生認為不熟山路人士,行石屎路較易,可能適合學生和小童,但他笑言泥路鬆軟行走亦較舒服,本港有易入門的行山徑,政府部門毋須再鋪石屎。
■記者潘柏林

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載