› 選擇地區
三藩市
紐約
洛杉磯
其他美國地區
香港 台灣 北美
 
2016年04月07日

杜琪峯、林建岳 隔空開火

【本報訊】《十年》獲獎引發大導演杜琪峯與大老闆林建岳隔空開火。杜琪峯不滿寰亞電影主席林建岳炮轟《十年》獲獎,指林建岳「唔係拍電影,佢係畀錢拍電影」,暗指林建岳不懂電影藝術。但林建岳反駁:「道菜好唔好味,唔係單由個廚師去評價。」

相關新聞:《十年》YouTube有足本?團隊發聲明或追究

指政治綁架論侮辱業界

杜琪峯與寰亞合作拍片無數,杜最新監製的《樹大招風》亦由寰亞投資。《十年》獲金像獎最佳電影後,寰亞老闆林建岳率先批評《十年》獲獎是香港電影的不幸,指政治綁架專業。杜琪峯前晚公開撐《十年》獲獎,更直斥:「林建岳呢個人唔係拍電影,佢係畀錢拍電影咋嘛!即使林建岳係我咁好嘅老闆,我都要講,因為呢個係電影嘅自尊嚟嘅。如果咁樣,即係侮辱我哋啫。」
對於被指只是「畀錢拍電影」,林建岳昨回應指:「打個比喻,我投資餐廳,道菜好唔好味,唔係單只由個廚師去評價。」他又稱,據他所知,專業評審團中的香港電影評論學會及導演會都非選《十年》為最佳電影。「我都唔知阿杜想講乜嘢,可能佢想叫大家去睇最專業嘅《樹大招風》啦」。
■記者麥志榮

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載