› 選擇地區
三藩市
紐約
洛杉磯
其他美國地區
香港 台灣 北美
 
2016年04月07日

莫錦貴促勿攞鄉議局「較飛」

莫錦貴

【本報訊】為了組黨問題,上水鄉委會主席侯志強與沙田鄉委會主席莫錦貴昨於記者會舌戰,侯志強恃人多勢眾,對莫得勢不饒人,直斥對方「你做咗咁多年為鄉民做過乜嘢?」,又聲言自己為新界人「赴湯蹈火、粉身碎骨」亦在所不惜。莫錦貴亦不甘示弱,敦促侯「唔好攞鄉議局較飛」。

相關新聞:侯率70村民闖記招造勢

被重提涉沙田套丁案

向來甚有台型的侯昨直踩記者會,坐到莫錦貴面前,形容自己懷着「謙卑嘅心情聽各位大佬嘅意見」,斷非抱着「父仇未報」態度,總之「有則改之,無則加勉」。
不過當雙方一討論組黨問題,侯亳不留手直插莫錦貴要害,重提莫涉及的沙田套丁案,「貴哥(莫錦貴)身為沙田鄉事會嘅主席,亦都同呢單case(套丁案)有關連,喺呢段時間,去探訪呢班人(套丁案被判囚鄉民)幾多次呢?」質問莫「你做咗啲乜嘢,運用你嘅權力,為鄉民做咗乜嘢?」又強調自己「唔會出賣我哋自己人」,「今日(昨天)企出嚟我侯志強同大家當天發誓,有朝一日我企出嚟,我赴湯蹈火、粉身碎骨,為大家爭取權益」,揚言他朝他做得不好就「返去耕田」。
莫錦貴聞言未有正面回應,只對跟隨侯志強入場、力挺組黨的群眾指「一係叫晒啲人出去,唔係唔講」。待侯連珠炮發過後,莫駁斥侯指「唔好攞鄉議局較飛」,又指不應「贏咗場交,輸咗頭家」。
■記者呂浩然

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載