› 選擇地區
三藩市
紐約
洛杉磯
其他美國地區
香港 台灣 北美
 
2016年04月07日

隔牆有耳:用外語組新政黨
之鋒教「人民站起來」 - 李八方

前學民思潮召集人黃之鋒牽頭成立嘅新政黨,周日將正式出世!昨率先公佈英文名叫DemosistŌ。有網民話諗起大學dem beat(Demonstration of beat),即係拍手踏地並叫口號,學民成員Derek林淳軒亦喺fb試Dem,留言「Dem!Dem! Demo! Demo! wu~~~~demosisto!」之鋒亦搞笑叫大家「一齊dem」。有網民惡搞話「叫Delilomo仲有霸氣」。

中文名「香港眾志」

至於周日佢哋將會搞一個「《眾志圍城》首映禮暨記者招待會」,海報以《飢餓遊戲》作二次創作,主角換上周庭,由之鋒、周庭、黎汶洛同羅冠聰領銜呈獻,一部為香港未來而寫嘅大作,而首映禮會喺藝術中心電影院上演,長達一小時,導演係電影人舒琪,到時會有「特別嘉賓」撐場,唔知會唔會好睇過《十年》?
咁究竟DemosistŌ點解同點讀?之鋒讀咗一次畀八方聽,由de-mo-sis-to四音節組成。
羅冠聰解釋DemosistŌ由一個希臘文字同一個拉丁文字組成。Demos係「人民」的意思,即Democracy嘅字源;SistŌ係拉丁文,有「站起來」嘅意思,由 SistŌ所衍生嘅英文字,包括Insist(堅持)、Persist(堅毅)、Resist(抵抗)等等。而兩個字合併之後,應該讀作demo-sis-to(音標/'dɛmɔ'sɪsto:/),希望呢個新字,代表人民團結自立,係彼此嘅堅毅夥伴,與群眾並肩而行,所以新政黨中文取名「香港眾志」。之鋒就話,考慮由新政黨成員周庭喺fb玩live時解釋DemosistŌ意思。

李八方
mailto:pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載