› 選擇地區
三藩市
紐約
洛杉磯
其他美國地區
香港 台灣 北美
 
2016年04月02日

【節日話你知】
邊個咁大整蠱整個愚人節出嚟?

愚人節,「攞正牌」愚弄他人,被玩嘅都唔准嬲似乎係定律。呢一日無被任何國家認定為法定節日,但好多國家都「好重視」,玩得好盡、好大,試過有傳媒亂傳意大利比薩斜塔塌咗、某某大明星死咗、某某大公司結業,引起一陣恐慌。愚人節由來有好多說法,有人稱最初係叫「萬愚節」,有指呢個節日起源於歐洲,因法國改曆法而出現,總之任何人喺呢日都可以任意開別人玩笑,甚至喺報紙上登廣告宣佈轟動消息,而不需負法律責任。

相傳喺1564年,法國採用新曆法,原本4月1日的元旦日,改為1月1日,但係因為舊曆法沿用多時,改了新曆法後守舊派無法適應,每當4月1日時,支持新年改革嘅人藉此對守舊派大肆嘲弄,當日送假禮物畀佢哋,邀請佢哋參加假聚會,亦有人會半開玩笑地當元旦日,照樣送禮、宴會、拜年,並趁機捉弄取笑那些健忘嘅人,久而久之,呢日就演變成一個專門愚弄人的節日。從此在4月1日愚弄人的習慣流傳開去,當有人上當受騙,捉弄他人者就會高呼「Poisson d'avril(四月惡作劇)」。

另外,據英國歷史學家嘅考證,愚人節起源出於印度佛教一句「到達彼岸」嘅說話,有記載指愚人節乃公元15世紀革命之後始出現嘅一個說謊節日,當時西班牙國王曾經建立一個「異端裁判所」,只要唔係天主教徒就被視為異端,喺每年4月1日處以死刑。臣民們感到非常恐怖,於是當天人民會以說謊取笑為樂,來沖淡對統治者之恐懼與憎恨,其後演變為愚人節。

現時唔少媒體會喺4月1日當天故意散佈一啲錯誤新聞嚟娛樂大家,好多人亦都好認真設計一啲無傷大雅嘅玩笑,旨在搞下氣氛。總之點都好,點玩都適可而止,玩得太大傷和氣就唔好啦。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載