› 選擇地區
三藩市
紐約
洛杉磯
其他美國地區
香港 台灣 北美
 
2016年04月02日

ViuTV聲勢遜港視 客戶:睇定啲先落廣告

【本報訊】作為免費電視台,ViuTV的主要收入來源是廣告費,但綜合廣告界意見普遍認為,以實況綜藝節目為賣點的ViuTV開台前的聲勢,遠不及兩年前王維基的港視般浩大,廣告客戶多表示要「睇定啲先」才再決定是否落廣告。

相關新聞:老臣子:感謝梁振英關台

指棄劇集市場吃虧

尼爾森早前公佈的「2016廣告預算調查」顯示,近60%的廣告客戶表示有意於ViuTV落廣告,更有22%客戶指會因而增加電視廣告的開支,但實際情況是ViuTV的廣告未見有搶爆情況。McCann & Spencer首席執行官黃光銳表示,不覺市場對ViuTV有很大期待,「絕對感覺唔到有當年港視嘅聲勢,初步睇(ViuTV)比較弱啲……王維基都有啲劇可sell(作賣點),新台一係睇規模,一係睇煞食嘅王牌節目,兩樣都未有」。
另一廣告公司高層亦表示,ViuTV放棄劇集市場比較吃虧,「佢主打真人show嘅綜藝節目唔係唔好,但有幾多套《Running Man》呢?始終都係劇集最容易留住班觀眾」。她直言有向客戶推薦ViuTV,但多數的回應是:「等佢哋開咗台,睇吓市場反應先啦。」她又指,不論廣告公司或廣告商的高層都起碼30、40歲,傾向相信劇集才有收視保證。事實上,連ViuTV的台長魯庭暉都不願預測收視,黃光銳表示,「(ViuTV)開出嚟好似好另類,唔係冇生機,但另類做得好就難好多」。
ViuTV早前向廣告商推銷資料,黃金時段每30秒廣告的基本收費為9,000元,較無綫翡翠台黃金時段平逾九成,不過黃光銳仍然嫌貴。他指免費電視始終被TVB壟斷,希望可再多些免費電視台出現,建議政府放寬免費電視牌照限制。
■記者石永樂

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載