› 選擇地區
三藩市
紐約
洛杉磯
其他美國地區
香港 台灣 北美
 
2016年03月25日

齊昕做婚紗相model
婚禮攝影師拒絕做「攝影佬」

特首千金梁齊昕去年3月首度披上婚紗,為亞洲婚禮攝影師協會主理的慈善項目,拍攝一輯婚紗相,掀起全城熱話,幕後班底正是3位著名婚禮攝影師Philip、Tony和Lewis,今次3位鮮有地同場披露當日婚攝細節,更對齊昕的表現有讚無彈,讓人看到齊昕在新聞外的一面。

「嗰陣齊昕都幾多負面消息,我哋都想透過啲相俾人見佢未被見過嘅一面」,該批婚照,除了拍攝出齊昕的性感一面,更突顯出齊昕的鮮明個性,Tony眼中,齊昕是一名天真的少女,而非新聞中硬朗冷酷的形象,「睇新聞覺得好cool,性格激少少,接觸佢真人嘅時候,只係一個小女孩,有好天真嘅一面,鏡頭後成日問『我影得好唔好睇,我邊part係最靚』,我自己覺得佢只係一個好普通嘅少女」。

3位攝影師都認為齊昕是爽朗又認真的少女,「佢係比較有個性,啲相亦展現出佢嘅個性出嚟,已經係成功」,Lewis形容齊昕是率真的女生,對於自己想做及喜歡做的事情態度認真,Tony舉例指齊昕的工作態度媲美專業模特兒,「平時搵model影相,影完大半日,覺得好攰,面色冇咁好睇,但嗰日影完,齊昕係好配合,佢係好enjoy件事,完全估唔到,對於未受過專業訓練嘅model唔係易事」。

齊昕除了被大讚有個性又專業外,更被Philip大讚「食材新鮮」,婚照無需「大執」,可以新鮮上碟,「佢係model骨格,我哋揀套套衫都carry到」,3位攝影師對齊昕的印象相當好,當時首度披上婚紗的齊昕亦表示感覺清新及好奇。

記者:梁佩珊

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載