› 選擇地區
三藩市
紐約
洛杉磯
其他美國地區
香港 台灣 北美
 
2016年03月25日

大律師公會主席評李波事件
「97後最令人憂慮嘅事」

【本報訊】資深大律師兼大律師公會主席譚允芝(圖)接受有線新聞訪問時指,李波事件是香港自回歸以來,最令人憂慮的事,形容此事「一般智力嘅人都覺問題多過答案」,現時的解釋「都唔知喺邊度嚟」。她指,面對這麼多的不合理解釋,國際社會是可以合理認為香港的一國兩制是出現問題。
譚允芝在專訪形容李波事件令人憂慮:「呢件事可以咁講,係97年以後差唔多係最令人憂慮嘅一件事,表徵咗一啲我哋好唔想見到嘅嘢,因為係一件最冇答案嘅事件,叫我哋接受嘅答案,全部都唔知喺邊度嚟」。

相關新聞:44%港人不信任政府

「一般智力嘅人都覺問題多過答案」

她指事件至今仍未有答案,更令人覺得一國兩制在敏感的事情上會消失:「一般智力嘅人都覺得(李波事件)問題多過答案,當事人如果唔係惹上乜嘢大麻煩,有口難言,你唔會諗住佢係自願講出嘅真相,令人哋憂心一國兩制係咪就係會成日間唔中有啲例外呢?如果佢覺得係觸及某一樣嘢,咁就即刻當咗係冇咗一國兩制呢。」
建制派和銅鑼灣事件涉事人不斷淡化事件,部份人更突然回港就自己失蹤銷案,然後返回內地,譚認為於事無補:「唔該你哋唔好再鬧、唔好再嘈,唔好再問我,總之冇事,(這樣說)係冇用嘅。」她指李波事件足以令國際社會覺得香港一國兩制出現問題,事件非香港內部事務般簡單,「其實國際係可以對呢件事有個睇法,咁奇怪,啲答案又唔合理,應問嘅答案又問唔到出嚟,人哋係可以有個合理嘅睇法,係覺得一國兩制有問題」。
她又指,梁振英在這事上未交代清楚為香港人做了多少,認為梁如可查問、追問,市民有需要知道:「我真係唔知佢(梁振英)做咗幾多,因為佢冇同我哋交代,佢到底做咗幾多」,認為港府「的確係可以做多啲」,「畀人知道(港府)做過啲乜,如果唔係,市民嘅信心要挽回,起碼要知道有個政府為呢件事係曾經幫佢哋爭取過」。
正於海南出席博鰲論壇的特首梁振英,未有正面回應譚允芝言論以及李波返港事件,只重申香港是一個非常透明的社會,中央對香港社會就李波事件表示的關注,中央政府完全知道,他已公開講過,港府不遺餘力就李波事件向內地有關方面反映。
■記者姚國雄

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載