蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年03月11日

愛女離世 爸爸自責患抑鬱

李光興將給去世女兒李菁(小圖)的信結集成書。

【本報訊】5日4宗學生自殺;半年間20個年輕人,不約而同選擇以最極端方式告別人間。驚人數字再次震痛慈父李光興的心。2008年3日,26歲品學兼優的女兒,自22樓一躍而下。「女兒走了,我同時被判了死刑」,李爸爸傷心自責,並患上抑鬱症,徘徊生死,「如果自殺係一種選擇,遺下嘅親人係別無選擇」。

相關新聞:輔導家長 調節對子女期望

死意有藥可醫

女兒去世8年,時間卻無沖淡一切,遺書上一字一句,李爸爸倒背如流:「對於非常疼惜我的父親,我的心情卻是強烈的恐懼、不安與憎恨。」自問無微不至的照顧,在女兒眼中,卻成了毒藥,「若人生可重來,我唔會對佢要求咁高」。李菁憑會考2A3B的佳績,被稱為「聾人狀元」,李爸爸一直引以自豪。
「其實一早見到徵狀,佢同我講過工作唔如意、想死。只係我唔信,以前我咁苦都冇諗過死,佢𠵱家三餐溫飽,又讀咁多書,點會?」視若無睹的警號,造成無可挽回的悲劇。女兒死後兩年,他每晚失眠,家住18樓,徘徊廚房露台,他問自己:「一了係咪可以百了?」
「嗰剎那諗起好多,我問自己,我最錫嘅女死咗我咁痛苦,如果我跳落去,咁我另外兩個女同老婆點算?佢哋係咪要再受多一次咁樣嘅痛苦?」走下危牆,他決心自救,積極求醫,證實患上抑鬱症,「沒由來」的死意,其實有藥可醫,「自己係過來人,每次睇見自殺嘅新聞,都好心痛。為人父母,可能到發生咗,都唔知自己到底做錯咗啲咩,惟有未發生之前多啲溝通,唔好好似我咁,鑄成大錯先識得問點解」。李光興將逾千封給天國女兒的家書,結集成《假如女兒沒有跳下去》一書。
■記者呂麗嬋

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載