› 選擇地區
三藩市
紐約
洛杉磯
其他美國地區
香港 台灣 北美
 
2016年03月09日

聲言新東新西奪四席
侯志強組黨 稱搶長毛范國威票

【本報訊】正在籌組政黨「新進步聯盟黨」的上水鄉事委員會主席侯志強,日前特別趁北京召開兩會期間赴京,聲稱與部委見面。侯志強昨聲言有北京老朋友支持組黨,但拒透露是否官員,指新黨將在春夏之間成立,聲言可新界東及西兩區各搶兩席,更或搶走社民連梁國雄及新民主同盟范國威支持。
記者:許偉賢 林俊謙

侯志強昨於港台節目《千禧年代》大談組黨進展,據知侯若參選立法會,極有可能循新界東直選。剛赴京的他在主持人追問下拒絕透露與他見面的人是否官員,反覆稱「見乜人,都係朋友」,「係老朋友,本身識得」。他稱北京老朋友對他組黨反應正面,「反對嘅聲音聽唔到」,但亦不透露表達了甚麼意見。
他形容組黨萬事俱備,只欠東風,會在春夏之間宣佈成立;至於鄉議局主席劉業強早前稱鄉議局不能組黨,他亦沒有參與籌備,侯志強承認有關政黨與鄉議局是兩個不同架構,「𠵱家分開做」。
問及9月立法會選舉是否劍指3席(新東、西各一席及鄉議局議席),侯豪言:「好多界別可以諗,非政黨專利,但𠵱家唔方便講,搞得好、有團結性,分分鐘(新東及西)衝兩席都唔出奇。」被問到是否劍指5席,他直言「不嬲做人都唔謙虛」,又指公務員及專業人士也是吸納對象,「如果需要發聲、支持正義,覺得合情合理,支持我,都唔出奇」。
被問到一旦參選有何搶票目標,他直指:「我言論比較出位、敢言、真實,搶邊個啲票?長毛同范國威要小心嘞(梁國雄及范國威現為新東立法會議員,兩人均屬激進泛民主派)。」
他又指其他政黨也是目標,「(議員)唔係啱又吠、唔啱又吠,選佢哋嚟做乜呀?」主持直指他與梁國雄意識形態不同,他回應指:「我係比較乞人憎,長毛范國威都係乞人憎,大家都係非洲和尚,咁係咪有競爭吖?」

相關新聞:被指似黑社會侯:額頭鑿住?

長毛:都唔同level

長毛回覆時直指侯的言論「搞笑」:「叫佢唔好真係帶刀呀,我好驚呀」,指選舉最重要是為選民服務,「選民投邊個咪投邊個囉」,強調與侯志強分別很大:「我同佢都唔同level,我喺三樓、佢喺二樓,連搭枱都搭唔到啦!」
范國威則指被點名挑戰,反映過去工作影響侯代表的既得利益,形容今次是「正邪之爭」:「我同佢嘅分別,係佢滿口歪理,純粹見錢開眼,唔會講社會公益,我講緊嘅係香港人想要嘅社會發展,要政府正視新界不恰當使用土地問題」,他相信選民懂得選擇,「其實佢同建制派叠得仲犀利」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載