蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年03月04日

忠臣劉錫賢:痛都應該放棄

劉錫賢日前引用《僱傭條例》10A條申請自動遣散,與亞視一刀兩斷。陳志嵐攝

劉錫賢在亞視服務了28年,由廣播道做到大埔總台,至大前日才忍痛引用《僱傭條例》10A條申請自動遣散,跟亞視一刀兩斷,昨日劉錫賢接受本報專訪時說:「亞視去到已經病入膏肓,而且佢𠵱家係極度痛苦,被德勤翻咗個底出嚟,得番廿幾萬嘅cash flow(現金流)喺度,𠵱家就算係掹掣都唔可惜,當然對佢有50幾年歷史,28年嘅感情,梗係會覺得好心傷、好痛。」

相關新聞:司榮彬最後掙扎申請寬限期不果

「股東對唔住員工」

被稱為「亞視忠臣」的劉錫賢,認為痛都應該選擇放棄,他說:「最近見到太多無賴嘅事發生,就算德勤話𠵱家好體諒,都應該有個方案畀我哋,炒晒你哋但係我哋唔出糧,你哋去勞工處追囉!呢樣嘢係完全冇辦法接受,由上次員工大會開始我嬲到𠵱家,所以我覺得佢𠵱家提早結束係啱㗎!」
對於堅持做到最後一刻的員工,他說:「我知道有好多員工有亞視情意結,話亞視不死,我都有講,我哋唔係對唔住亞視,只不過𠵱家呢班管理層同股東對唔住我哋呢班員工,係佢哋對唔住亞洲電視。我哋唔係跳船,只不過隻船開始沉,我哋係自保,唔通攬住隻船沉落水底,大佬!Titanic(鐵達尼號)啲人都走喇!」
■記者楊潔雯

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載