› 選擇地區
三藩市
紐約
洛杉磯
其他美國地區
香港 台灣 北美
 
2016年03月02日

楊岳橋:有選民含淚支持我

【本報訊】公民黨楊岳橋以逾16萬選票勝出立法會新界東補選後,今天宣誓履新。他昨於電台節目坦承今次所獲票數非全投給他個人,料部份選民因不想議席落入民建聯手上而「含淚」支持他,強調不會被勝利沖昏頭腦,泛民需響應時代呼喚進行改革。
不少新東選民坦言支持本民前梁天琦,但為大局而投票予楊岳橋。楊昨稱今次補選只以近萬票勝出,只能算險勝。他更相信有選民因不想議席落入建制派手上而支持他:「16萬得票裏面,好多唔係因為楊岳橋、唔係因為公民黨、甚至唔係因為泛民,純粹因為佢哋好重視呢一席,唔想落入(民建聯)周浩鼎手上,又或者,部份係好欣賞梁天琦,但都覺得……含淚啦,我唔知係咪呀下,都會畀(票)楊岳橋……我哋係知道、我哋亦唔會被一個咁嘅勝利沖昏頭腦。」

相關新聞:建制自動當選中產區 楊成票王

湯家驊:還債有限度

楊強調泛民需要改革:「我知道今次呢個勝利可能係選民畀(泛民)嘅最後一個最後機會,公民黨也好、我覺得我哋民主嘅泛民盟友也好,都意識到呢一點,就係𠵱家我哋面對緊時代嘅呼喚,我哋必須要有改革。」
但這位泛民議會新丁也稱,改革實已在議會進行,包括更加團結及攻守兼備,「唔可以停留喺以往純粹係投反對票,我哋要有多啲嘢」。
因為辭職引發今次補選的前公民黨成員湯家驊早前直認未有投票予楊岳橋或周浩鼎,惹來部份網民抨擊,湯昨於電台節目稱:「我嗰一票係咪咁重要呢?還債都有個限度」,不認為自己欠公民黨的債,強調現為民主思路召集人,若投票支持與該組織理念有別的人,「外人又會點講呢?」他直言陷於兩難局面,不投給楊「我自己都掙扎咗好耐」,但最終決定跟隨個人政治理念投票。
■記者許偉賢

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載