› 選擇地區
三藩市
紐約
洛杉磯
其他美國地區
香港 台灣 北美
 
2016年02月27日

陳文敏 戴耀廷 讚楊堅守非暴力

陳文敏認為楊岳橋較客觀,及對理想有堅持。王子俊攝

【本報訊】香港大學法律學院昨日舉辦憲制論壇,討論香港法治情況,法學院前院長陳文敏及佔中發起人戴耀廷均有出席。會後陳及戴被問到會支持哪一位立法會新東補選的候選人,兩人皆表示認同公民黨楊岳橋的理念。
陳文敏說,雖然跟楊岳橋並不相識,但直言認同楊的理念,「我個人嚟講其實唔識楊岳橋,不過我聽過佢講嘢同睇過啲選舉論壇,我認為楊岳橋相對上比較客觀、中肯,同埋對理想有佢嘅堅持」。

相關新聞:楊周爭持激烈 泛民支持者須總動員才可勝出

被稱「暴民律師」屬誤解

在題為「對話香港法治的未來」論壇中,陳亦表示香港現在需要多些中立、客觀的聲音,「中立嘅意見有時會左右都唔討好,但喺呢個咁極端嘅社會氣氛下,我哋其實先更加需要理性嘅辯論,我哋應該繼續堅持有哩個客觀討論嘅空間」。陳指楊岳橋就符合此種「堅持理性討論」的特質,更笑說「可惜唔係新東選民」,否則會投楊一票。
陳文敏重申公平審訊與司法獨立為法治的兩個重點,更引楊岳橋因幫助旺角騷亂示威者而被稱為「暴民律師」一事,指出香港法治正面臨的其中一項挑戰,正是公眾對法治、對公平審訊的誤解,「律師代表其實係維護公平審訊嘅重要一環,律師就係代表當事人,去保障當事人得到公平審訊嘅權利」。
陳稱律師不一定要認同當事人,更反問:「一個律師點解會因為代表一啲你唔認同嘅人,就被冠名為『暴民律師』呢?其實咁做係違反咗公平審訊,律師只係做番佢嘅職責;佢代表緊『暴民』唔等同佢就係『暴民律師』。」
曾替楊站台的戴耀廷,則再次表態支持楊岳橋,指楊的個人質素比其他候選人高,「我支持楊係因為佢都係堅守『非暴力抗爭』,相反我就唔係太支持梁天琦話『抗爭係冇底線』嘅路線。另外,從候選人的質素去睇,7個候選人都冇一個人係及得上楊岳橋」。
新界東立法會補選其他候選人為民建聯周浩鼎、新思維黃成智、獨立方國珊、梁思豪及無黨派劉志成。
■記者葉偉東

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載