蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年02月07日
馬上成為壹會員

【迎猴年】
水果禮盒多籮籮 點揀點食學問多

【本報訊】近期股樓皆跌,不過市民並無因此而勒緊褲頭,相反更加豁出去辦年貨,盡量令跌市陰霾遠離新春節慶。油麻地果欄一帶已經人頭湧湧,私家車泊滿街道兩旁,交通督導員更頻頻現身趕車抄牌。

專程來到果欄的鄧小姐,以塔斯曼尼亞車厘子及日本出產蘋果為目標,「大約會使一千蚊買生果,過年過節都唔會慳得嗰一千幾百,平時喺其他地方慳返咪得囉」。至於黎太更加表示「無上限」:「呢啲係必需品,邊樣生果靚就買邊樣。」

和興欄老闆李先生表示,從前的果籃已經過時,越來越多識途老馬到果欄買水果,「有啲人要嚟送禮,成日都一箱箱,有啲甚至一攞就廿幾三十箱、三十幾四十箱咁攞返去慢慢送。」他續稱,買一箱水果較水果店砌果籃化算及環保,加上日本出產的生果盒外形美觀,送禮自用皆可。

過年送禮最緊要大方得體,日本水果無疑是主流,當中又以蘋果、士多啤梨、車厘子及蜜瓜最熱賣,進濤果欄負責人聰仔教教大家選擇靚貨:

世界一蘋果
「來自青森縣嘅世界一蘋果產量極少,以深色為上品,而且要聞落去有少少香味,太香即係太熟,反而唔好,小小香就可以。」

福崗甜王士多啤梨
「選擇士多啤梨都有技巧,要攞出來睇睇個底有無水印,有水印即代表士多啤梨太熟,或者有爛或撞傷,個底會有紅色一點點。」

塔斯曼尼亞車厘子
「買今年最熱賣嘅車厘子,同樣都要拎個袋出嚟,望望袋底有無濕,睇吓有冇啲車厘子汁喺度,正常係無,好乾爽,摸落去好實淨,咁就係最靚車厘子,雖然越深色越甜,但應買淺色,因為可以存放耐啲慢慢食。」

宮崎蜜瓜
「呢啲瓜一棵樹得幾粒,營養價值好高,首先要睇個掟,要有啲收水,俗語講叫「上咗糖」,即係啲糖份已經入咗裏面,如果你未食過,係估唔到咁甜。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載