蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年02月07日
馬上成為壹會員

【團年飯】
健康靚雞有樣睇 專家教你揀雞秘技

【本報訊】 正所謂「無雞不成宴」,更何況是團年飯及開年飯,加上中國人鍾情食活雞,熟客早已預訂活雞過節。但如何揀到一隻靚雞過年呢?有20多年賣雞經驗的九龍城街市周華記雞檔老闆玲姐,便教大家幾招揀雞技巧。

毛色是顯示雞隻是否健康的重要標誌,一隻健康的雞,毛色必是很光亮;其次是頭冠,頭冠要色澤鮮明,夠大夠厚。

睇完毛色及雞冠後,就要反轉來睇雞屁股,「以前啲人仲會吹開雞pat pat啲毛來睇,但咁唔衞生。其實只要用手撥開啲毛就可以睇到好清楚」。玲姐解釋,從雞屁股可以看到雞隻本身是白油還是黃油,亦有人認為雞的肛門闊大,生蛋多,就是老雞。「雞嘅肛門細,就表示未生過蛋,即係呢隻雞嫩口啲!」

若要確定所揀雞隻是白油還是黃油?可以再睇雞翼下、近雞胸位置的皮層。玲姐指出,此位置可以清晰睇到雞隻皮下是黃油還是白油;再用手捏下雞胸,如果肉厚結實就是一隻靚雞了!

相關新聞:【團年飯】喻意一家團團圓圓 豐衣足食

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載