› 選擇地區
三藩市
紐約
洛杉磯
其他美國地區
香港 台灣 北美
 
2016年02月04日

八方人物:劈炮創業
沸青追夢 手作無價

年輕人毅然辭職搞手作仔,是廢青還是沸青?發夢抑或追夢?葉婉青與黃潔慈(Casey)兩個全職手作達人均認為青春無價,理工大學畢業後投身社會,越做越迷失後辭職創業,開工作坊、網上接定單,密密做手作,將興趣化為職業。

「唔會發達但生活到」

領展黃大仙中心今年連同YMCA即日起至7日舉辦創意年宵市集,邀請年輕人擺檔賣創意年宵產品,吸引阿青與Casey進駐做檔主,前者賣手製皮革產品如皮革揮春、玫瑰等,後者則創作木馬音樂盒與保鮮花。
靠手作「搵到食」﹖Casey笑指:「做鍾意嘅嘢都要面對現實。」她去年創立「Its All About DIY」品牌及工作室,主力開班,收入至今未算穩定,有時要補習幫補。24歲辭職創業,問她算是任性還是怕辛苦,她指社會不應標籤年輕人,反問努力發掘自己喜歡的工作有何問題?「打一份工要用個『捱』字去形容,既然唔開心,點解要用自己嘅青春去捱?」
28歲的阿青大學畢業後從事採購,兼顧皮革網上生意,半年後辭職瞓身皮革創作,2014年3月創立Ching Leather Workshop。她笑言:「可以生活到,但唔可以發達。」指淡季月入約萬元,但到節日收入卻增三倍,故提醒自己要拉上補下。她開班亦有堅持,必須客人自行完成作品,「做做吓畀100蚊叫你縫埋佢,我唔會幫……你一開始想試,開咗個頭,點解唔堅持埋佢?」
她指「以前朝早返工,放工返屋企瞓覺,成個過程唔知自己發生乜事……𠵱家朝早12點做到凌晨5點,我覺得好開心」。
■記者陳雪玲

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載