› 選擇地區
三藩市
紐約
洛杉磯
其他美國地區
香港 台灣 北美
 
2016年01月28日

八方人物:萬朵劍蘭早開遍地
元朗信哥︰好靚但一殼眼淚

劍蘭開得遍地艷紅,但對信哥來說,卻是血本無歸傷心事。馬泉崇攝

這陣子的香港,何止政治氣候異常,天氣一樣難測。走進本地花農梁日信位於元朗新田的花田,應節的萬朵劍蘭早遍地開花。「之前係最暖嘅小寒,搞到啲花早咗3星期開,隔一陣就凍到落冰雨,呢批花,由佢喺田度開,自己欣賞就好。」劍蘭艷紅燦爛,卻是老農的傷心事。難得血本無歸的信哥仍然笑得出。「做得農夫,就要聽天由命,唔豁達唔得。」

兼逢冰雨損失難料

59年來最凍的低溫,對於64歲的花農信哥來說,是「雪上加冰」。「早兩日,見到啲雨會跳,原來都係冰粒,我60幾歲人都係第一次見」。田地位處新界大西北,溫度較市區再低幾度,無暇賞冰的信哥,忙不及張開大網護花。
不是太暖,就是太凍。「遍地開花係好靚,但對於花農嚟講,就代表一殼眼淚」。足球場大小的花田,種上25萬株年花,投資逾廿萬,大部份是火紅劍蘭。只是,早前暖和的聖誕,令其中2萬株提早開花,剩下的,就因周日連場冰雨,生死未卜。「得兩個人做,開咗嗰幾萬朵劍蘭,根本割唔切,由得佢喺田度,當留畀自己欣賞,影張相留念就好。」
種植劍蘭,由種子到成熟「露出眼睛」,需時13至15周。信哥說,10月至12月,是撒種子的季節。「事前要鬆土、殺蟲,之後又保持土壤濕潤但又不能過濕,以免球莖容易腐爛。」劍蘭是熱帶植物,溫度約20℃為宜,最怕嚴寒天氣。「種植,永遠汰弱留強,要逐支睇,好似解剖咁,切開花蕾睇入面啲花芽有冇凍死凍傷。」未來數天是關鍵期,信哥直言,只一半收成已心願。
自小已隨老父種田,7兄弟姊妹中,只剩他仍留守花田,「做埋我哋呢代,肯定後繼無人,但有得做一定做落去」。
■記者呂麗嬋

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載