蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年01月18日

吳克儉「外訪比留港辛苦」
自誇令免費幼教快速落實

【本報訊】教育局局長吳克儉過去一年外訪達15次,被批評外訪次數過多,但吳克儉昨反問:「乜嘢叫多?」甚至指外訪比留在香港工作更辛苦,更舉例指由他親自外訪,才能取到其他地方免費幼兒教育的資料。教育界立法會議員葉建源指政府就幼兒教育提供的資料,並沒有引用其他地方的經驗,批評吳只是利用外訪來遊埠。
記者:姚國雄

吳克儉昨接受無綫電視《講清講楚》訪問時被問到為何時常外訪,他強調,外訪有其必要、也需由他出馬:「點解要教育局局長去呢?因為如果我去,對方提供嘅層面高檔好多,要攞嘅資料係全面好多,即時攞得到,所以有時點解啲校長要求我同佢哋一齊去,如果唔係咁做,可能幼稚園教育嘅政策冇咁快做得到。好多地方要用十多年時間,我哋委員會只用兩年。」

被指次數多 反問「乜嘢叫多」

被問到一年外訪多達15次,他反問:「乜嘢叫多?」他並強調外訪比留在香港工作更辛苦,而他每次外訪均需經過嚴謹程序,衡量有否有需要。他指15次外訪中,部份屬即日來回,亦強調他的外訪具高透明度,每次都由不同團體或教育局的同事隨行,並會發放新聞稿交代外訪內容。
根據教育局向立法會提供的文件顯示,吳克儉今個財政年度為止共有12次外訪,平均每個月外訪一次,外訪一共花30天,外訪地點多數是內地。吳克儉的外訪,不足一個財政年度便花逾納稅人43萬元,平均每天耗用公帑逾1.4萬元。
立法會教育界代表葉建源對吳克儉的回應「嚇一跳」:「原來我哋派局長係出去攞資料,如果攞資料,其實網上已可以攞到好多資料。」他指若吳克儉透過外訪考察幼兒教育,為何政府提交的文件、免費幼稚園教育委員會報告,以至吳出席立法會就幼兒教育的回應,均沒引用其他外國經驗?葉又指香港由爭取至落實免費幼兒教育,花了十多年時間,並非如吳所指的兩年,又指大可改派其他官員,質疑吳只想透過外訪來遊埠,稱以往教育局局長也沒吳多。

識睇睇留言

Mala Beh Ag:做嘢就好複雜,外遊就唔複雜。咁鍾意外遊,轉去做旅發局囉。
Plato Lai:咁辛苦就唔好做,去shopping,玩真係好鬼辛苦。
Caroline Wan:15次就唔多,問題是15次之後你做過或做咗啲乜嘢?
Zean Shiu:呢啲所謂嘅官不斷浪費公帑,然而香港人冇任何可以阻止佢嘅手段。
Benny Yu:強國教育不是最好嗎?外訪先進文明國家後又不會改變,根本是浪費。
資料來源:《蘋果》facebook

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載