› 選擇地區
三藩市
紐約
洛杉磯
其他美國地區
香港 台灣 北美
 
2016年01月15日

西環集中營:
CY硬銷一帶一路幫倒忙 - 季陶

梁振英硬銷一帶一路,不但沒提升民意對一帶一路認知,反而更增負面觀感。

特首梁振英在施政報告中大談一帶一路,正如某立法會議員笑言,「盲嘅都知佢擦習近平鞋」,但施政報告出台後,普遍民意對一帶一路觀感及認知不但沒有提升,反而更多人覺得「唔關我事」、又或質疑是「幫晒北京」,有泛民立法會議員更稱,今次梁又再為北京「幫倒忙」,恐怕再強化中央對他「講就天下無敵」觀感。
該泛民議員說,其實政府內部已有人覺得以政治口號式硬銷「唔掂」,「唔係洗腦式咁不斷講市民就會接受」,但這既然是梁的施政報告,其他人自然少說為妙;但從梁振英公開澄清,指有市民以為一帶一路與香港無關,其實並不正確,就可知道梁自己也「聞到味」,知道報告大講一帶一路或已引起部份市民反感,甚至出現抗拒,所以盡快解釋清楚。

市民負面觀感已成

另一政界人士則指,從昨日網民一面倒批評、改圖嘲笑一帶一路,再加上昨早市民致電電台節目批評特首,就可知市民對一帶一路負面觀感已成定見,「無論政府再點解釋、再吹噓一帶一路對香港幾有利,市民第一樣諗起就係一帶一路用嚟擦北京鞋,點做都冇用」。
他又指一直有內地中間人說,梁振英最大問題是「講就天下無敵,做就無能為力」,「佢哋形容梁分析力、洞察力一流,聽佢分析大問題好頭頭是道,覺得佢叻過好多港官同政治人物,但一叫佢執行就搞到一鑊粥」,今次梁在一帶一路又幫倒忙,「我諗內地睇到又會激到一肚氣」。

季陶
周一、三、五刊出

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載