唔少人噚日聽到「一帶一路」呢4粒字，都有啲想嘔吐嘅感覺，皆因CY無限loop，而大家查實都唔知虛無嘅「一帶一路」係啲乜。
好難得嘅係，日前喺毛記電視分獎禮上、着「現袋褲」落力跳舞、出名「愛國」嘅毛記主播東方昇，竟然領略到呢4粒字嘅真諦，更不惜再次犧牲色相，親身演繹何謂「一戴一露」（圖）。係呀，八方冇寫錯呀，係咪咁樣大家更有共鳴？佢仲留言話：「689今年找了我為2016香港《一戴一露》施政報告拍攝封面，希望大家鍾意。」
網民見到東方昇瞓身解畫，既驚且喜，有網民讚佢完勝689，話「你露至少有『點』，689報告卻是冇points」，《100毛》識英毛重英毛，都讚呢位讀者「講嘢好有『點』呀吓」。
