› 選擇地區
三藩市
紐約
洛杉磯
其他美國地區
香港 台灣 北美
 
2016年01月11日

西環集中營:
內地放風 盼失蹤事件降溫 - 季陶

李波

銅鑼灣書店負責人李波「被失蹤」事件在國際社會越鬧越大,有泛民中人稱,據聞北京高層已下令盡快為事件降溫,負責港澳事務部門、公安、國安系統人員近日來港放風,一方面「補鑊」,另一方面劃清界線,強調與自己部門無關。
有泛民中人稱,今次李波事件詭異之處,在於多個港澳事務執行部門均聲稱不知情,「之前有報道話西環唔知情,有內地中間人話,呢件事件唔關公安、國安事,仲暗示可能係有軍方背景嘅人做,所以好多港澳事務單位最初都唔知發生乜事」。

料短期內不釋放李波

他說那些中間人如此緊張,全因事件已成國際事件,「有中間人話中央最高層好重視,唔想呢件事再擴大,成為外交問題,畀外國政府借呢件事攻擊北京」,所以有親北京人士不斷叫人不要猜測事件、又說李違反內地法律、甚至有傳媒報道稱李波向家人報平安消息,「其實所有嘢都係降溫、補鑊,希望搵個藉口交代,因為唔盡快平息,好多人要孭鑊」。
但無論北京如何努力降溫,始終無法迴避核心問題,就是有內地「強力部門」越境捉人,違反一國兩制,有泛民稱問過內地中間人,「唔理係內地邊個部門做,係你哋《環球時報》認越境捉人,咁唔係違反一國兩制、《基本法》,仲係乜?佢哋啞口無言」。他預期北京短期內不會放李波,「除非諗到一個北京唔使上身、外國又接受嘅下台階,否則放咗人會驚件事唔知點發展」。

季陶

周一、三、五刊出

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載