› 選擇地區
三藩市
紐約
洛杉磯
其他美國地區
香港 台灣 北美
 
2016年01月06日

隔牆有耳:
大輝捐助恒管激CY? - 李八方

林大輝

特首梁振英盛傳叫商界唔好捐款畀大學,咁啱恒生管理學院噚日出新聞稿,多謝工業界林大輝慷慨捐助支持學院擴建,特別將座落喺校園嘅鐘樓命名為「林大輝鐘樓」,下周二仲有命名禮㖭!
大輝一直「積極監察」CY人品同施政,喺敏感時期捐錢畀恒管,係咪專登作對?原來咁啱得咁蹺箒!大輝話捐助恒管已經傾咗好耐,可能公佈嘅時間令人覺得有啲「不謀而合」!佢強調一直相信教育係長遠投資,覺得政府資助外,都需要商界捐助。認唔認同CY停捐論?唔使問嘞啩!
到底捐咗幾多?大輝話銀碼唔好講,強調同恒管有唔少淵源,包括恒管位處林大輝中學嘅沙田、唔少林大輝中學嘅學生都喺恒管讀書,加上同何順文校長係好朋友,認同佢哋嘅教育理念,所以略盡綿力。
呢次命名禮,大輝仲建議邀請財爺曾俊華出席、對方又應承喎,大輝話財爺管金融財經嘛,梗係要支持,冇乜特別意思㗎!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載