› 選擇地區
三藩市
紐約
洛杉磯
其他美國地區
香港 台灣 北美
 
2016年01月06日

捲套丁案 莫錦貴稱問心無愧

莫錦貴被指在套丁案中收取了160萬元作中介費,最終因證據不足而未有被起訴。資料圖片

【本報訊】套丁案判決剛滿一個月,捲入事件中的沙田鄉事委員會主席莫錦貴強調問心無愧,又稱丁權並非對新界原居民的恩恤,而是交換,不忿地指「一個交換返嚟嘅嘢,會令到自己坐監?」
11名沙田原居民一個月前被判收取230萬元丁權費,串謀發展商詐騙地政總署罪成,而莫錦貴在案中被指收取了160萬元作為中介費,但最終因證據不足而未有被起訴。
莫錦貴昨回應套丁案時強調,套丁其實一直「發生緊」,他的參與「只係去幫手解決一種佢哋矛盾嘅問題」,堅稱「如果呢一個費用係非法或者係點,我諗佢已經告咗我」。
對於因今次案件,令社會再關注《基本法》第40條所列明,新界原居民的「合法傳統權益」受香港特區保護,是否包括丁權在內,莫錦貴強調丁權並非港英政府的恩恤,「以前係一個交換嚟㗎,係收我哋新界人嘅地嗰時諗埋呢個辦法,畀埋個丁權喇」,繼而不忿地稱「一個交換返嚟嘅嘢會令到自己坐監?」他續指,鄉議局會協助原居民上訴,有結果後會再向公眾交代。
■記者呂浩然

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載