› 選擇地區
三藩市
紐約
洛杉磯
其他美國地區
香港 台灣 北美
 
2015年12月21日

西環集中營:
吳克儉累政府失威信 - 季陶

吳克儉

教育局局長吳克儉早前高調發信給小學校長,要求聖誕假停止操練TSA,更揚言局方非無牙老虎,可以出手對付不聽話學校,豈料一眾小學校長「發惡」後,吳立即「頭耷耷」收聲。有官場中人直言吳不單自己丟架,更嚴重打擊政府、教育局威信,但相信無礙吳的仕途,因為特首梁振英至今仍信任吳,「點都攬住佢!」
吳克儉往績,大家「有目共睹」,到處理TSA問題,他竟然到日本看紅葉也不出席立會聽證會,事後還毫無政治警覺性,在公開場合誇誇其談他的遊日體驗,據知連一些政府高層也十分不滿,覺得他不單沒有做局長能力、甚至連做一個普通公職人員能力也欠奉,「不過佢係CY嘅人,佢出名聽CY話,幾不滿都好,都唔會有人出聲」。

「自己友都睇佢唔起」

但現時問題卻是,吳克儉處理TSA問題進退失據,嚴重打擊政府威信,「(吳克儉)之前就係威係勢發信警告班校長,唔好操練TSA,唔係就處分;人哋班校長發惡,吳克儉就立即縮沙,試問政府威信何在?以後嗰班校長仲使理教育局嘅指示?𠵱家究竟係班小學校長管教育政策、定係教育局管教育政策?」更大問題則是,吳克儉周六竟又將TSA問題拋回給家長,叫家長自行向校方反映,有政界中人指吳做法如同龜縮,「叫班家長自己同學校打,佢(吳克儉)就縮埋,咁咪只有更加辣㷫班家長,令佢哋將行動再升級!」難怪連一些親政府中人也越來越看不起他,該政界人士更笑言,有建制中人在某個公開場合,更半開玩笑式直呼吳做「吳得掂局長」,「根本連佢哋自己友都睇佢唔起」。

季陶

周一、三、五刊出

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載