蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年11月25日

沙田友打散工全職拉票

黎梓恩今年23歲,土生土長沙田友,由幼稚園到大專都離不開沙田,本屆在自己居住的王屋選區出選,險勝自回歸後一直連任的自由黨梁志偉175票。他憶述,當晚十分緊張,「當然想贏,但打定輸數」,待選舉結果出爐,睡不到兩小時就爬起床來謝票,昨訪問時仍未完全「回魂」。
畢業於浸會大學國際書院心理學副學士,黎梓恩自言向來有志從政,只是不知從何投身。與好友黃學禮同樣,傘運後決心參選,「成日話自己香港自己救,如果自己社區都唔了解,點救香港?」於是他朝操晚練勤於擺街站,收入全靠打三行散工為生,「我使費唔多,一星期做兩三日就夠晒用」。提名表上,他在職業一欄填上「全職社區主任」明志,「萬一輸咗都會繼續做,可能形式唔同,例如做議員助理,四年後就再選過」。

相關新聞:莫建成:朝7晚11搏盡

擺街站遭長者罵「佔中廢青」

王屋選區由數個私人屋苑組成,包括威爾斯親王醫院宿舍範圍,本屆投票率極高,達47.73%,「富豪花園有1,900戶,就有1,900人出咗來投票。反應咁熱烈係係意料之外」。
黎梓恩說,年初起擺街站至今,大部份時間無人理會,但原來沉默的一群已被其誠意打動,「街坊個個忙返工、仲要開OT,好正常」。更有長者每次遇上都責罵他,「『佔中廢青以為瞓吓街就選到』,鬧足五分鐘」。

「冇人識其實係優勢」

當選前,他未受注目,只接受過電話訪問,「冇人識其實係優勢,選民唔會預設立場,少啲被攻擊」。他說,理念與政治取態固然重要,但作為區議員首要是做好地區工作,「濕碎嘢都要有人做㗎,自己擺街站成日被蚊咬,就知道滅蚊幾重要!同老人家傾得多,就一定知道佢哋上落樓梯唔方便,需要加建電梯。啲人成日話要含淚投票,就係因為就算理念一致,冇地區工作都係唔得」。
黎梓恩表示,任內會盡量令議會透明,「好似一區一億元撥款,其實好多人唔知用咗去邊」,認為只要讓事實呈現在居民面前,驟耳聽再「離地」的議題也必定會受重視,明白政治與民生是分不開的,「唔好低估選民」。
■記者朱雋穎

相關新聞:譚駿賢:虧欠5歲兒子

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載