› 選擇地區
三藩市
紐約
洛杉磯
其他美國地區
香港 台灣 北美
 
2015年11月23日

壞車退出比賽
豪仔:希望下年再戰

【本報訊】車壇小子盧思豪(豪仔)早上挑戰CTM澳門房車盃,可惜不幸再次出現,豪仔因戰車故障,力戰至最後一圈最終要轉入維修站,未能完成賽事。

豪仔賽後感到失望,表示在出賽試圈後即發現戰車一如排位賽時的情況,再有「窒油」問題,即緊張召技術員來修正,匆匆檢查15分鐘後就開始賽事,「起步都仲可以,但一到髮夾彎收油再去,就踩唔起。」

賽事期間,豪媽也突破心理關口,首次在場內支持豪仔,不過賽至第三圈時,豪媽再次離場,「真係頂唔順呀,好驚。」其間豪仔一度追上第8位,但後來戰車的窒油情況持續,「直路一路俾人過車,嗰刻只係想盡力完成,捱到最後,但架車一收得急就踩唔起。」

在場外眼見豪仔排名越墮越後,才再敢入場再睇,「咁樣即係安全,咪敢再睇囉。」在名次跌至第15位,戰車的波箱終在最尾一圈也故障,最後未能完成賽事。豪爸則對賽事感到失望,二人在看台緊張地打電話問記者,豪仔有否不開心,直至知道豪仔放鬆心情才鬆一口氣。

完成澳門大賽車所有賽事後,豪仔下周要到泰國進行亞洲巡迴房車賽最後一站,他稱會收拾心情完成2015年最後一場賽事,「2015年唔算係成績好好嘅一年,希望下年做好啲,再返嚟澳門比賽。」

相關新聞:判官驗車覓樂趣一粒螺絲掌生死

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載