› 選擇地區
三藩市
紐約
洛杉磯
其他美國地區
香港 台灣 北美
 
2015年11月23日

反圍標師奶單挑選舉機器

翁愛明出戰沙田碧湖選區,希望「為民主儲啲基礎」。資料圖片

【本報訊】有人因為鉛水超標而觸發參選,而在中大新聞系任職的翁愛明,就因所住屋苑爆出圍標風波,出戰沙田碧湖選區。對手包括主力地區工作的民建聯小花黃冰芬,及由2003出任區議員至今的劉偉倫,毫無選舉經驗的初哥決戰選舉機器,能否創造奇蹟?還看選民。
翁愛明指,「最初諗住只係想幫人助選,打過電話去問,知道泛民冇人嚟呢區,先硬住頭皮出嚟,為民主儲啲基礎,最終選唔選到都好,都係好好嘅經驗」。投票進入最後3小時,站在濱景花園外揮手拉票作最後衝刺的她神態輕鬆。

相關新聞:連Gun拔起!葛博士都輸埋你話死唔死?

助選團緊張百倍

記者捉着她訪問,她說不如站在一旁慢慢傾,反而一班街坊和中大同事助選團比她緊張百倍,有人說不如傾3分鐘就好,有人提議她邊揮手邊傾,「佢哋真係好幫手,你以為有人幫你派吓傳單已經好好,但原來真係有人打風落雨、日日夜夜陪你企喺度」。
翁愛明其中一個最為人所識的銜頭,是全港業主反貪腐反圍標大聯盟成員。育有兩個孩子的她,參選以師奶(C9)做主題,宣傳單張用上9個C :Choice、Change、Creativity……銳意求變,只因忍無可忍,「建制派成日話關心民生問題,但原來同樣係市民關心嘅民生議題,其實係有agenda」她說。
■記者呂麗嬋

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載