蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年11月09日

楊鳴章為湯漢護航 
吸毒喻同性戀
議員:與罪行相提並論 冒犯同志

【本報訊】區議會選舉尚餘不足兩周,天主教香港教區主教湯漢樞機日前發表牧函,提醒教徒投票時考慮候選人對性傾向歧視條例的立場,高調介入選舉惹猛烈抨擊。天主教香港教區輔理主教楊鳴章昨以吸毒作比喻,指教會只是指摘一件「唔啱嘅事」,仍然會愛曾吸毒的人,否認向教徒施壓。多個支持同性戀團體及立法會議員抨擊楊的吸毒比喻是醜化同性戀,冒犯同性戀者。
記者:馬志剛 謝明明

相關新聞:何秀蘭:易影響區會選情

楊鳴章昨出席明愛秋季賣物會時為湯漢樞機牧函護航,表示教會沒有任何仇人,亦不會指摘任何人,教會只是指摘一件「唔啱嘅事」,「譬如吸毒唔啱,我哋就話吸毒唔啱;對於吸毒嘅人呢,我哋仍然係愛㗎」。
楊鳴章認為,牧函不是在施壓,指牧函並無指定投票對象要求教友跟隨,或者建議用甚麼口號,只是想表達每個公民都應該投票,指牧函的另一目的是「良心嘅塑造」。他又指家庭觀念及婚姻觀念價值觀很重要,現在湯漢發表牧函正好是檢討價值觀的時候,「沒有適當唔適當,因為乜時候發表都會有爭論」。

被斥無視其他社會議題

不過,籌辦香港同志遊行的彩虹行動發言人岑子杰指出,湯漢的牧函是否定同志的權利,而楊鳴章的言論更是越描越黑,「佢將同性戀比喻吸毒犯法嘅行為,反映佢哋思想仍然停留喺1991年之前,即係香港未通過同性戀非刑事化」。
人民力量立法會議員陳志全亦批評楊鳴章以吸毒比喻同性戀不恰當,「係非常差嘅比喻,同性戀唔係罪,但吸毒就係犯法,將性戀刑事化、醜化,已經係過時,呢個比喻不恰當,係冒犯同性戀者」。
香港基督徒學生運動執行幹事陳可樂直斥湯漢及楊鳴章偽善:「教會只係得把口,有咁多選舉議題,例如勞工意外、退休保障,甚至最高工時呢啲影響家庭嘅議題唔講,卻刻意講性傾向,係偽善嘅表現」。
身兼大愛同盟成員的工黨立法會議員何秀蘭認為,神職人員以吸毒與同性戀相提並論,已超越宗教價值,變成歧視言論。
但明光社總幹事蔡志森認為應以較闊角度看楊鳴章所作的比喻,「就算好似吸毒咁,我哋唔接受吸毒,唔等於我哋唔接受嗰個人,呢個係比喻,唔好將同性戀者等於吸毒者,意思唔係咁樣,唔需要扭曲呢個比喻」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載