蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年11月07日

隔牆有耳:王向偉返京 譚衞兒做《南早》老總 - 李八方

大前晚譚衞兒代表《南早》,同梁唐青儀、梁家榮一同為慈善活動主持亮燈。

西報《南早》高層又地震,噚日公司發出內部通告,現任總編輯兼吉林省政協王向偉返北京同家人團聚,明年調任編務顧問,副老總譚衞兒明年元旦起做老總。八方聽聞員工都對佢「坐正」好大反應,有人指佢立場「非常親梁振英」,主理亞視新聞部時又發生報錯江澤民死訊事件。英文網媒HKFP仲引述員工話,覺得譚衞兒英文水皮。
有熟悉《南早》人士話,在位四年,王向偉一直重用內地人,上場後輸入咗唔少內地「專才」來港做網上即時新聞,王下譚上,本地幫唔知會否重獲重用。譚衞兒2011年在亞視新聞部做副總裁,同時任高級副總裁梁家榮管理新聞部,發生報錯江澤民死訊事件後兩人起身,不過大劫過後有運行,兩個人都坐咗直升機,榮總做咗廣播處處長揸fit港台,譚衞兒都步步高陞。譚衞兒升職消息傳出前,八方聽聞《南早》多個部門有「逃亡潮」,多名記者編輯遞信,有人笑係「五區總辭」!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載