› 選擇地區
三藩市
紐約
洛杉磯
其他美國地區
香港 台灣 北美
 
2015年11月06日

隔牆有耳:吳得掂避TSA激親大師 - 李八方

教育局局長吳克儉日前以休假為由,寧願遊埠表明唔會出席立法會教育事務委員會喺29號舉行嘅全港性系統評估(TSA)公聽會。
吳得掂呢個決定辣㷫唔少家長,亦令議員嬲到紮紮跳,身為委員會主席嘅工業界林大輝(圖)話呀,聽到呢個答案後「好激氣」,相信吳得掂若唔出席,對成個公聽會嘅結果打咗折扣。
林大輝強調唔會因為吳得掂而改期,皆因籌備一個公聽會要花好多人力物力,亦好難遷就所有人嘅時間。
大師喺港台節目《千禧年代》話 ,相信公聽會屆時會爆場,因為好多家長同辦學團體都想見到吳得掂,聽佢親自解釋,若吳缺席,當然令與會者「大失所望」。
提到吳得掂聲稱「好想來」,大師話喎,唔會判斷佢想唔想嚟,「但如果真係想嚟,時間係由佢安排嘅」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載