› 選擇地區
三藩市
紐約
洛杉磯
其他美國地區
香港 台灣 北美
 
2015年11月06日

隔牆有耳:有得去心愛嘅Ocean Park
立會流會 林鄭:喜出望外 - 李八方

林鄭熱情地同海洋公園副主席「鳴煒」握手。謝榮耀攝

自稱「官到無求膽自大」嘅林鄭月娥,講嘢越嚟越放。之前引用《真福八端》話堅持做「正義」工作好易受責難,話天堂已為佢預留位置;噚日立法會流會後,林鄭出席海洋公園新水上樂園動工致辭時,竟然話對流會「喜出望外」,畀佢有時間去到心愛嘅海洋公園,但表明,係個人意見,唔代表政府立場。
噚日立法會,議員提出將防賄條例納入適用於特首,一早到場嘅林鄭,代表政府答辯,點知11點幾輪到佢發言時,社民連梁國雄要求點人數,最終因唔夠人而流會收場。當大家以為林鄭等官員一定好嬲時,轉頭林鄭已速逃立法會,趕去海洋公園出席新水上樂園動工禮。

親暱呼「鳴煒」

佢致辭時話呀,即使有啲議員唔拉布,個會預料亦歷時5、6個鐘,佢以為一定嚟唔到,仲委託蘇錦樑代佢主持動土儀式,點知立法會竟然流會,佢話一般嚟講,立法會因法定人數不足流會,佢會好失望,「不過今次呢,我就喜出望外,因為我可以嚟到我心愛嘅海洋公園,出席呢個咁重要嘅日子」。在場人士無不譁然,但林鄭補充:「以上純屬我個人立場,特區政府嘅立場對於立法會流會仍然係表示失望」。政府新聞處之後發放嘅林鄭致辭新聞稿,係冇咗呢段爆肚內容。
可惜林鄭走時冇回應,點解對海洋公園咁鍾情?但好明顯,佢對同樣出席動土儀式嘅海洋公園副主席劉鳴煒好親暱,致辭時叫佢「鳴煒」。八方都想問句鳴煒,對有傳出任創科局副局長嘅消息點睇?但鳴煒事後急急腳走人冇開腔。

李八方
mailto:pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載