› 選擇地區
三藩市
紐約
洛杉磯
其他美國地區
香港 台灣 北美
 
2015年11月06日

滷味入選 肥仔老闆推介肥姐店

余啟康直言母親售賣的滷味更好吃。

【本報訊】生腸、火雞腎、豬心等港式滷味未必人人敢試食,不過,在尖沙嘴厚福街賣滷味的「第三代肥仔」入選米芝蓮地道小食推介。

相關新聞:重口味川菜餐廳開業兩年摘星

憂業主趁機加租

老闆余壠康憶述,近期有疑似評審員的外籍人士連吃兩串火雞腎,他對入選米芝蓮感到莫名其妙,因為滷味工藝和貨源,與媽媽在旺角開設的肥姐小食店一樣,他直言媽媽的店舖更值得推介,「佢攞獎我覺得合理,我攞獎就奇怪咗啲囉」。
余壠康自言滷味已傳承三代,最初阿公在弼街賣滷味,再傳授媽媽在金星戲院賣滷味,最後媽媽再傳授予他,他另起爐灶在尖沙嘴賣滷味,「講真出面度度都有滷味,但整得好唔好食係其次囉」。
余壠康每朝7時起床去街市買貨,即買即製,每天工作15、16小時。「第三代肥仔」最著名王牌套餐23元一份,有大墨魚、細生腸和火雞腎,散叫滷味賣6至11元不等。
他笑言媽媽售賣的滷味味道更好,「可能個外國人唔好彩,嚟到我嗰邊,試咗我啲嘢食覺得ok」。他指即使入圍米芝蓮,暫不考慮加價,不過他對業主會否加租帶點憂慮,「越多人買嘢食,越加你租囉,佢唔會驚你走」。
■記者潘柏林

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載