› 選擇地區
三藩市
紐約
洛杉磯
其他美國地區
香港 台灣 北美
 
2015年10月29日

隔牆有耳:
TVB覆信向民主黨致歉 - 李八方

早前躉船撞汲水門大橋意外,令來往大嶼山陸路交通癱瘓,無綫新聞其後報道2002年3月8日嘅財委會,公民黨同民主黨都反對興建北大嶼山至元朗公路嘅十號幹線,但民主黨當時係投票支持,日前仲去信無綫投訴要求澄清。
無綫對外事務科噚日覆信民主黨,承認報道「寫法有問題」,為此致歉。
無綫強調知道有錯後已即時將有關新聞喺網上刪除並更正,準確寫番民主黨投票支持嘅版本已喺當晚播出,強調「會督促同事小心核實、查證報道內容」。
查實現任民主黨主席劉慧卿同公民黨主席余若薇,當年係投反對票,但當時卿姐屬前綫,余若薇係獨立身份,公民黨都未成立。
民建聯前日亦唔執輸去信無綫投訴相關報道,話嗰條通道只關乎十號幹線嘅北段,唔涉及連接大嶼山部份,報道指該黨反對當局構思通往赤鱲角道路係「錯誤陳述」。
負責去信嘅譚耀宗話,因區內有居民問佢哋點解反對,所以要出信要求澄清;而佢當年可以唔跟黨立場投票,睇嚟當年民建聯嘅自由度大過𠵱家喎。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載