› 選擇地區
三藩市
紐約
洛杉磯
其他美國地區
香港 台灣 北美
 
2015年10月16日

隔牆有耳:
七警被起訴同日現身警總 
前一哥曾偉雄暗撐警? - 李八方

事隔足足一年,𢭃足全年人工唔使做嘅暗角七警終於落鑊起訴,但又點估到喺暗角俾人狂毆嘅阿Ken曾健超,原來仲好打過葉問,同日竟被控襲警咁巧合。仲有乜嘢估唔到?就係一年前警隊最高負責人、前一哥曾偉雄竟然喺呢啲咁敏感嘅日子,現身灣仔警察總部!唔通……佢專程嚟同呢七位「死士」講句「你哋冇做錯到」,加油打氣振作士氣?
常言無官一身輕,冇見幾個月嘅曾偉雄行步路都輕鬆過人,中午時分靜雞雞由側門步出警總,沿昔日佔領區入口、告士打道往金鐘方向離開。原本喺警總等消息嘅記者發現咗呢位稀客,梗係即時飛撲過去影餐飽,佢全程面露微笑任影,有記者問佢點睇七警終於被落charge?佢就叫記者「問番𠵱家啲同事比較好」,之後就封口唔再講嘢喇。

稱處理私務

曾偉雄今年5月初開始退休前休假,有人話畀八方知,原來佢儲埋儲埋好多假未放,所以今時今日都未放完,未正式退休㗎。而噚日現身警總確實係另一個巧合,佢係返嚟處理私務,同七警案完全無關咁話喎。乜嘢私務咁緊要,要佢專程現身呢?

李八方

mailto:pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載