› 選擇地區
三藩市
紐約
洛杉磯
其他美國地區
香港 台灣 北美
 
2015年10月14日

返工無晒動力?
可能係時候要轉工喇

返工等放工,未到放工已有想衝出辦公室的衝動,相信不少打工仔曾經歷過。精神科醫生指出,「唔願返工、捱時間過」的想法,或與工作缺乏成功感、認為公司待自己不好、對工作的行業沒有興趣等有關,若伴隨對工作已失去熱誠、精神難以集中、甚至放假仍情緒低落,便可能已患上抑鬱症。
記者:伍雅謙

精神科專科醫生李德誠表示,對工作失去動力、朝早難起身、經常遲到、上班時常感到疲倦,都會令打工仔「返工想放工」,若周六、日及假日回復正常,「有心機約朋友去BBQ」、購物或參加興趣班等,代表腦部功能沒有問題,只是自己無法與現時工作或公司配合。他提醒,港人每日平均花逾三分一時間上班,若工作不適合自己「其實好受罪」,應找有興趣的行業並轉工。不過,若伴隨容易忟憎、經常發脾氣、易哭及失眠等,便有機會患上抑鬱症,應盡快求醫。

上班期間忽然想離開公司,「落一落樓都舒服啲」這種想法又是否有病?李指,若只是間中想離開,未必是情緒問題,「係個人啲電用晒」。他指,本港不少企業均不鼓勵員工在工作期間小休,「3、4個鐘不停做嘢,冇人扣夠膽行開去飲杯嘢嘅」,但其實腦部運作約一個多小時便需要休息,連續工作一至兩小時會「冇電」,應中途休息15分鐘,「行開吓,叉下電,精神仲好咗,可以做更長時間」。不過,若每隔30至45分鐘已感疲累,「即係個電池有啲問題,要成日叉」,或已對工作失去興趣,應考慮是否涉及情緒問題。

但未必所有老闆接受員工在上班時間「落街抖抖」,李建議可到茶水間與同事傾談、喝杯咖啡,又或進行拉筋,可輕微提升情緒及放鬆久坐的筋骨。

李指,曾有打工仔被老闆批評懶散,但其實患上抑鬱症,出現容易感疲憊及難以集中精神症狀,甫返工便感生不如死,經服藥及治療後,工作表現有改善,老闆未再投訴,也不再感到容易疲勞和考慮轉工。其實除基層打工仔外,管理層一樣有壓力爆標的情緒病,他說,曾有管理層「連工都唔想返」,下午才進入公司,甚至只在家中以電話了解公事進度,患者一般服用抗抑鬱的血清素,並根據個人情況處方鎮定劑及安眠藥後,症狀便會改善。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載