蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年10月13日

釋智慧:信佛就唔好搞咁多嘢

【本報訊】連同定慧寺女住持釋智定,寶蓮寺住持兼香港佛教聯合會會長釋智慧亦捲入假結婚事件。釋智慧是定慧寺董事,2名懷疑與釋智定假結婚的出家人均與寶蓮寺有關,其中一人獲寶蓮寺賜法號「釋智強」,另一人更在寶蓮寺任要職。踢爆事件的翁靜晶曾與寶蓮寺住持釋智慧法師對質,他指對事件毫不知情,但反問翁:「你係咪信佛先?信佛就唔好搞咁多嘢啦!」

相關新聞:釋智定接掌後定慧寺存款少567萬

「我乜都唔知㗎,儍儍哋㗎」

本報曾就假結婚及賬目問題向寶蓮寺查詢,但截稿前未獲回應。翁靜晶向本報提供的片段,她與立法會議員梁耀忠在上月13日到寶蓮寺向釋智慧法師查詢事件。翁問釋智慧是否認識釋智定,他不置可否;翁又問釋智慧是否知道釋智定曾與釋智光假結婚,更指「佢(釋智定)話係你叫佢咁做,因為你需要有人嚟做嘢」。
釋智慧沉默一會,然後笑說:「你信唔信吖?(我唔信!)你唔信,都唔使講啦!」翁又繼續查詢是否知道釋智定曾委託別人買豪宅,又疑使用寺廟善款等,釋智慧指:「第一,我就唔知嗰件事,第二你係咪信佛先?(梗係信啦!)信佛就唔好搞咁多嘢!」他補充:「我乜都唔知㗎,儍儍哋㗎,我病㗎嘛!」只承認以往是該寺董事,現時已不是。但按最新公司註冊處資料顯示,釋智慧仍是定慧寺有限公司董事。釋智慧2005年任寶蓮寺住持至今,亦是香港佛教聯合會會長,1997年當選第九屆港區全國人大代表,2002年連任,今年獲政府頒授銀紫荊星章。
■記者鍾雅宜

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載