蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年10月10日
馬上成為壹會員

【正生17年】
倒夜香 無手機 學生無悔入讀改變自己

過往曾犯事數次、今年18歲的鄧宇軒於正生書院就讀中五,深信正生可助他重返正途,他更計劃讀畢文憑試課程才離開。正生設施簡陋,全島只有旱廁,要「倒夜香」,學生需要隔日將排泄物送到長洲處理,「縱然係一個好辛苦嘅地方,但係從另一個角度去睇,佢係一個好充實、帶畀我改變嘅地方」。

外表陽光但又有點害羞的鄧宇軒,中一時第一次犯事,判刑後他揀選西灣河協青社開放式宿舍「服刑」,早上照常上學,晚上才回宿舍,其後他因「收毒品數」而違反感化令,最終決定入讀正生。他自言以為進入正生後需搬沙包抬石頭,「我嗰陣唔會諗去正生係讀書嘅,而係做啲好辛苦勞力性嘅嘢」,又以為院友皆是身材魁梧、凶神惡煞;但入讀後便發現不少同學「完全都睇唔出以前係一個好曳嘅人」,感覺亦與其他宿舍不同,校內沒有就讀多年的同學如「大佬」般橫行,所感受到的是大哥哥照顧及遷就新同學。

曾是黑社會成員的他過往無心學習,入讀正生後卻每天將書本拿在手,「當你要積極,你就要搵到目標」,校內沒有手提電話及電腦,學生更易專心學習;加上去年師兄鄧信彥成功入讀中文大學,對入讀正生後愛上讀書的他來說是很大的鼓勵。他希望離開正生後繼續學業,「入唔到大學都駁high dip.(高級文憑)駁上去」。

他認為學校的碓需要改善課室環境,「當同學真係想去讀書嘅時候,有個合理嘅環境係好需要」,大汗淋漓、落雨時雨點打入課室,令學生難以專注學業。在正生可專心讀書,培養打籃球的興趣再學習剪髮,他深信選讀正生的決定正確,「呢度畀到我嘅,其實出面中學畀唔到」。

記者:周詠雯

相關新聞:【正生17年】「吸毒仔吸毒妹」 由全城關注到被遺忘

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載