› 選擇地區
三藩市
紐約
洛杉磯
其他美國地區
香港 台灣 北美
 
2015年10月06日

半夜畀鬼壓
點可以快啲醒?

半夜「畀鬼壓」動彈不得,在半夢半醒間用力掙扎,感覺痛苦。精神科醫生表示,中國人俗稱的畀鬼壓,其實是醫學上的「睡眠癱瘓」(sleep paralysis),即身體開始有清醒意識,但全身肌肉仍處於放鬆狀態,故感覺全身「郁唔到。被鬼壓期間,嘗試先郁動手指,甚至握拳,有助腦部與肌肉重新「接軌」,加快甦醒,保持充足睡覺及減壓都有助預防被鬼壓。
記者:梁麗兒

精神科專科醫生方日旭指出,睡眠癱瘓為常見現象,估計整體人口中,約15%至50%在一生人中出現1次或以上的睡眠癱瘓。在發夢時,全身肌肉會放鬆,避免身體隨夢境內容郁動,情況就似腦部與全身肌肉「脫軌」一樣。當中只有橫隔膜、眼球及中耳肌肉仍保持肌肉活動。當人的意識開始清醒,肌肉卻仍陷於放鬆狀態,即腦神經未能與肌肉連接,不能指揮肌肉活動,便會出現睡眠癱瘓。

當事人會感覺自己好似清醒,但卻全身動彈不得、不能說話,因而感到恐懼,「因為自己控制唔到呼吸肌肉,唔可以大力呼吸、深呼吸,會覺得好似抖唔到氣,越緊張、越用力就越驚」。方說,甚至有人會出現視覺、聽覺幻覺,例如「好似聽到有人叫自己」。他指,自己也試過在飛機上遭遇畀鬼壓,期間聽到計時炸彈的「啲咑」聲響。

睡眠癱瘓成因未明,但前一晚睡眠不足、睡眠欠規律如輪班工作人士、平日壓力大都是高危族。由於服用安眠藥、飲酒都會令肌肉放鬆,如飲酒服藥後出現畀鬼壓便要留意,也有指平睡出現畀鬼壓機會較其他睡姿高。

畀鬼壓過程或只維持數秒至1分鐘,惟當時人感覺漫長。要逃困境,方指,先要保持鎮定,避免驚慌,提醒自己處於睡眠癱瘓狀態,「唔會抖唔到氣、唔會死」,然後活動身體最多神經的部位即手指,繼而握拳,有助大腦與肌肉重新「接軌」,加快清醒。至於念經也是一種令腦部加快清醒方法,可加強與肌肉接軌,故有些人念經後,畀鬼壓會消失,當然效果因人而異,若常畀鬼壓,可能是渴睡症其中一種症狀,應及早求醫。

「畀鬼壓」喚醒自己五步曲

1)保持鎮定
2)掙扎只會加劇驚慌,應避免用力睜開眼皮、呼叫或大力呼吸
3)告訴自己只是處於睡眠癱瘓狀態「唔會死」
4)盡量放鬆自己,然後郁動手指
5)嘗試握拳,加快腦部與肌肉連接

資料來源:精神科專科醫生方日旭

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載