› 選擇地區
三藩市
紐約
洛杉磯
其他美國地區
香港 台灣 北美
 
2015年09月02日

四眼哥哥:放馬過嚟

【本報訊】由去年11月被捕至今,各被告為這宗藐視法庭案折騰大半年。被稱為「四眼哥哥」的鄭錦滿原本計劃返回澳洲升學,並已經交了十多萬元學費,但因案件隨時有下集,故他不敢返回澳洲,連學生簽證亦已經過期,他揚言對律政司再採取行動抱觀望態度,並向對方說「放馬過嚟」。

相關新聞:14日未發通知書法庭許可失效

「犯埋啲低級錯誤」

鄭錦滿在庭外表示,昨天判決只是小勝一仗,「𠵱家喺香港,公義已經蕩然無存,喺法庭上仲有僅餘嘅程序公義,可以喺高等法院體現到,其後繼續勇武抗爭」。
由於律政司可上訴或重新展開程序,故鄭已有心理準備,但揚言「如果律政司再告,放馬過嚟」。
另一被告羅慧茵昨在庭外激動落淚,「我唔係擔心,我覺得呢個政府好可恥,政改方案都否決咗,仲要玩啲乜啫,有真憑實據咪告我哋囉,但唔好犯埋啲白癡錯誤,同啲建制派離場一樣咁兒戲」,「我覺得律政司好低能,讀咁多書做乜啫,犯埋啲低級錯誤」。
羅慧茵訴說,政府有大量資源,不能預計律政司何時會再控告她,但她說「無所謂,佢咪繼續嚟囉」,只是想到不知何時又會收到警方通知,然後又要申請法援,她就有點激動。
羅慧茵表示不怕再抗爭,「政府唔可以再用呢啲手段欺壓我哋啲市民,我哋只係想要番一個民主嘅香港,一個好嘅香港,我唔想個香港俾個政府搞到咁之嘛,我哋可以做到啲乜啫」。
■記者黃幗慧

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載