› 選擇地區
三藩市
紐約
洛杉磯
其他美國地區
香港 台灣 北美
 
2015年09月02日

隔牆有耳:囚犯學幫貴婦狗沖涼 - 李八方

羅湖懲教所首辦寵物美容課程,噚日就有3隻貴婦狗入監畀囚犯學員實習。

社民連秘書長陳德章早排就獄中膳食同限帶6本書申請司法覆核,長毛又喺立法會質詢供應畀囚犯嘅衞生巾、廁紙係咪足夠,囚犯權益突然受到高度關注。懲教署長邱子昭噚日邀請傳媒去羅湖懲教所參觀,特別請同事介紹供應囚犯生活品準則,強調廁紙、衞生巾一定夠,又安排史賓格犬示範檢查探監人士帶畀囚犯嘅日用品,防止紙巾、郵票之類被滲毒品等違規情況。
監獄一向有偵查犬同警衞犬,八方噚日卻見到3隻啡色貴婦,原來係懲教署最近同僱員再培訓局首次喺羅湖懲教所合辦寵物美容及店務助理課程,教囚犯寵物美容、學習店舖運作,考試合格仲有證書方便出獄後搵工。現場所見,3隻狗狗乖到無倫,任大家練習沖水剪毛;同動物相處仲可以培養囚犯愛心、耐心同溝通技巧㖭。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載