› 選擇地區
三藩市
紐約
洛杉磯
其他美國地區
香港 台灣 北美
 
2015年08月08日

李國章指公民黨干預港大
余若薇:校委轉移視線

李國章昨自爆委員會去年12月,已通過推薦陳文敏出任副校。伍嘉亮攝

【等埋首副】
【本報訊】港大校委會委員李國章昨首次證實,物色委員會去年12月已一致同意推薦法律學院前院長陳文敏出任副校長,意味遴選程序已完成,間接踢爆校委會主席梁智鴻之前諉過於物色委員會未完成程序,有說謊之嫌。李國章又點名公民黨干預院校自主,並揚言若特首梁振英干預港大,他都會反對。
記者:倪清江

相關新聞:倘學生再衝擊 馬斐森稱或報警

今年3月獲梁振英委任出任校委的李國章,昨接受他任主席的DBC數碼電台訪問時表示,物色委員會5名委員在去年12月已決定推薦陳文敏,但因陳被牽涉入匿名捐款事件,「唔可以委任一個副校俾人將來話誠信有問題」,因此拖至審核報告完成,又稱:「冇捐款(事件),1月已經上咗校委會。」

再提陳文敏應退選

李稱5月時有物色委員會成員改變決定,但委員會仍維持推薦陳文敏,並在6月提交校委會討論。不過,他指在6月30的例會上,大部份委員都覺得該副校長是直屬首席副校長,應等待新首副委出,「畀少少尊重,唔係叫佢請唔請陳文敏,而係問佢攞個意見」,但又稱「如果佢話我唔想要佢,就要聽吓佢意見點解」,又強調非故意拖延,「大學真係好陰功,呢次俾人咁樣屈作話你拖遲」。
梁智鴻過去數月一直以物色委員會未完成程序為由,解釋校委會未能審議,與李國章稱去年12月已決定推薦陳文敏的說法明顯不同。梁昨未有回應查詢。物色委員會由校長馬斐森為主席,委員包括前首席錢大康、校委麥嘉軒及兩名教授。據悉,轉軚者為麥嘉軒。
李國章又再提陳文敏應自動退出角逐,「相信佢喺港大30年,對港大好有感情,係咪要考慮吓,係咪想搞到港大咁亂呢?搞咗咁多政治入去港大呢?」又數度否認政府或中央干預任命,「係咪(國家主席)習近平下令?無證據!如果真係梁振英干預,我都會反對」。反將矛頭指向公民黨及少數泛民,指他們為明年立法會選舉製造議題,「公民黨可搵其他話題,唔好將教育及大學擺上神主枱」。
公民黨主席余若薇昨回應李國章指:「你講2016年9月?政治一日都嫌長,何況明年?我哋講緊係目前,點解要等埋首席(副校長),同等埋發叔一樣荒謬,大家恥笑緊佢,所以佢先要轉移視線……明顯校委見轉移到學生不成功,才再轉移到公民黨。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載