蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年08月06日
馬上成為壹會員

隔牆有耳:
幫山區籌款 廣西社團搞比堅尼派對 - 李八方

早前被指誤導學生錄製撐政改片段嘅香港廣西社團總會,有讀者話佢哋屬下嘅廣西青年聯會主席鍾易民喺社交媒體貼圖(圖),話本周六喺如心南灣海景酒店舉辦泳池派對,每位600蚊,為山區建校籌款,海報上仲話有「比堅尼比賽」,質疑活動性質同目的格格不入。
八方了解過,據知浸大中研舊生會用咗數年時間喺廣西覓地建校,其間邀請廣西社團總會協助籌款,而今次以泳池派對為名籌款,據聞連舊生會都覺得唔妥ban咗,但當時廣西青年聯會已將浸大標誌放入海報。

冇申請用浸大logo

鍾易民向八方證實有分享活動嘅海報,但拒進一步回應。廣西社團總會職員則話總會同舊生會喺廣西建校,呢次活動邀請舊生會內閣成員、廣西青年聯會會員,或要經人介紹先參加,唔係開放畀公眾。浸大就話屬下院系冇份搞泳池派對,仲踢爆對方冇申請就用浸大logo。據大學了解,中國研究課程舊生會已要求主辦團體刪除浸大標誌。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載