› 選擇地區
三藩市
紐約
洛杉磯
其他美國地區
香港 台灣 北美
 
2015年08月06日

隔牆有耳:警開fb專頁 派人睇留言
許sir歡迎惡搞改圖 - 李八方

新任警隊一哥盧偉聰上任時表明會加強同市民及傳媒溝通,盧Sir上任後3個月,果然坐言起行,早前喺警察公共關係課加設一名警司,專門處理傳媒聯絡,呢位新警司更身兼另一重任,就係要開設警隊facebook專頁,希望擴大同市民接觸層面同交流意見。

研案件現場拍片上載

警察公共關係課總警司許鎮德噚日同傳媒茶敍時話,呢個警隊fb專頁預計今年底前面世,4點鐘許Sir話,初步構思fb唔會預設限制,歡迎任何人留言,警方會有專人睇留言,一旦發現有粗口、淫褻物品或誹謗留言,就會刪除。至於網民喜歡嘅改圖惡搞,對警隊甚至一哥嘅批評,據知警方未必會刪除,「因為早已預咗會有呢啲情況,只要唔涉粗口、淫褻或惡意中傷誹謗,警方未必會刪走」。
八方聽聞,警方亦搞搞新意思,研究仿效外國執法機關,搵警方攝製隊去一啲案件現場拍攝情況,然後放上fb,加深市民了解警方。至於呢個警隊fb專頁會改乜名?警方仲諗緊,八方則聽聞警方已搵人設計一個卡通化大頭貼,增加年輕感。
許Sir仲爆咗單笑料,話去年佔中期間,曾頂替許Sir出席每日記招匯報嘅高級警司江敏強,早前調離警察公共關係課。江Sir放假期間同太太喺茶餐廳食早餐,有個阿伯走埋江Sir面前,神色凝重注視後大叫:「我認得你,你就係許Sir!」搞到江sir好尷尬。

李八方

mailto:pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載