› 選擇地區
三藩市
紐約
洛杉磯
其他美國地區
香港 台灣 北美
 
2015年07月21日

西環集中營:
副校風波 梁智鴻裏外受壓 - 季陶

梁智鴻為港大校務委員會主席。資料圖片

港大法律學院前院長陳文敏遭阻攔任命做港大副校長的風波,隨着越來越多港大校友加入聲援,作為港大校務委員會主席的梁智鴻,面對的壓力也越來越大。有港大老鬼對季陶說,原本梁智鴻的如意算盤是將陳的任命,拖到他卸任校委會主席後、由接任人處理,但隨着校友施壓升級,這個如意算盤是否再打得響,頓成疑問。

校委會半數為梁粉

該老鬼對季陶說,梁智鴻人前人後均說特首梁振英在陳文敏任命上,從無向他施壓,「佢誓神劈願話冇收過CY電話,CY亦冇因呢件事搵過佢」,但有校委會成員卻指,會內佔過半數也是梁粉或政府的支持者,「佢哋私下表明唔支持陳文敏做副校,行動咁一致,梁智鴻又唔係第一日出嚟做公職,點會聞唔到味?使乜CY打電話?」而梁將任命拖延,就是知道若要通過任命,「只要梁粉校董要求表決,一投票就輸硬,到時校內、校外反彈必極大,拖住先反而易交代」。
隨着一班港大校友介入聲援,「梁智鴻就由原本單邊受梁粉校董壓力,變成兩邊受壓,校友亦唔會放過佢,俾佢拖到落任」。事實上政改否決後,泛民陣營內不少港大校友頗為「清閒」,加上在社運界及專業界的校友,「𠵱家唔使再搞政改,呢班校友有時間搞行動,而且今次涉及港大百年老店金漆招牌,一定有人支持將行動升級!」
據聞有個別校友,正游說一些德高望重老校友站出來為陳文敏發聲,為港大、也為社會生態,力抗院校自主受政治干預。

季陶
周一至周五刊出

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載