蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年07月10日

拒承諾不競逐連任特首
被轟破壞行政立法關係 梁:唔係我問題

【立會答問大會】
【本報訊】財政司司長曾俊華獲「習握手」,令外界對特首梁振英能否獲中央支持連任出現各種猜測。立法會議員郭榮鏗昨在立法會答問大會上,要求梁承諾2017年不會競逐連任,批評他破壞行政立法關係、能力及政治智慧不足,梁反指郭的前設不符《基本法》及政治現實,稱行政立法關係出問題,「唔係我本人問題」。
記者:林俊謙

梁振英昨日出席今個年度最後一次立法會答問大會,公民黨法律界議員郭榮鏗在會上提問,揶揄梁早前指行政與立法機關無問題的說法,令他十分同意如此「非常獨到」觀點,「只不過係行政長官同立法機關出現好大問題」,認為若出席答問大會的特首非梁振英,而是政務司司長林鄭月娥、曾俊華或立會主席曾鈺成,不論辦事、溝通能力和政治智慧,都較梁振英高,隨即直接問梁:「你為咗香港人福祉,能否承諾2017不再角逐特首一職?」一眾泛民議員即拍枱讚好。

相關新聞:建制派狂投訴 曾鈺成扯火

學者:梁挑釁議員意識很強

梁聞言後未有即時回答問題,反要求曾鈺成裁決人民力量議員陳偉業在會上揮動標語牌行為有否違規,工黨議員李卓人隨即再提出規程問題,不滿梁指揮曾作裁決。
經一論擾攘,梁終於作回應,指行政立法關係無問題,亦包括行政長官與立法機關無問題,聲稱前特首董建華為人謙厚,但任內有泛民大黨指董政權是頭號敵人,反映行政立法關係出問題,不是本人的問題,「唔係人嘅問題,唔係行政長官、更唔係我本人嘅問題」。
正當郭榮鏗想追問,多名建制派議員即提出規程問題,更一度與激進泛民議員爆罵戰,主席曾鈺成更一度發怒喝止,而郭質疑建制派是為梁振英「買時間」,又問梁振英:「如果你仲覺得個人冇問題,我懷疑你係咪喺香港住?」梁則指郭的問題,「前設不符《基本法》,佢嘅前設亦不符香港過去18年的政治現實,因此佢的嘅問題係不存在」。
會後民建聯議員葉國謙批評,郭榮鏗的問題是「很挑釁性」和「撩交嗌」,但是對於梁振英指有關問題不符合《基本法》,葉亦稱不清楚問題那部份不符《基本法》,「我未好掌握得到」。
中大政治與行政學系副教授馬嶽認為,行政立法關係與政府施政質素有直接關係,「政府施政差、民望低,自然多衝突」,認為梁振英昨日會上挑釁議員的意識很強。馬嶽又指,不覺得郭榮鏗問題有不符《基本法》的地方,認為梁振英只是迴避問題,「將答問大會變成答非所問大會」。

梁振英答覆議員提問

公民黨郭榮鏗:梁振英會否宣佈不連任
梁答:郭榮鏗議員問題嘅前設,一,不符合《基本法》;第二,佢嘅前設亦不符合香港過去18年嘅政治現實,因此佢嘅問題係唔存在
經民聯石禮謙:希望梁振英令泛民明白創科局是社會需要
梁答:個多星期前有兩間巴士公司宣佈,有大批路線通過手機可以畀市民查閱巴士時間表、巴士路線、到站時間,讓市民出行更方便。具體例子確實好多,如果用英文講,you don't know what you miss,你失去咗機會,連嗰啲機會本來係乜你都唔知道
經民聯梁君彥:如何與各黨派溝通
梁答:我哋可以見面、可以食飯、可以食早餐、可以喺禮賓府、可以喺總部辦公室。食早餐時,如果某位泛民議員,過去都試過,話當日安排嘅早餐係中式,「我要食腸仔雙蛋」,一樣可以,我哋一定會做
獨立議員謝偉俊:亞投行商機
梁答:要避免被我哋競爭對手攞香港嘅一啲缺點出嚟,譬如說,去年嗰場佔中運動,本來話要佔領金融中心,要癱瘓中環

相關新聞:【直播cut晒】同場加映花生混戰 大嚿VS元秋

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載