› 選擇地區
三藩市
紐約
洛杉磯
其他美國地區
香港 台灣 北美
 
2015年07月07日

CY上任後 AO呻為做而做 - 花生友

自從梁振英上任做特首後,連政務官都怨氣衝天。 資料圖片

【政壹花生友】
立法會就嚟收爐,唔少議員都好happy,準備遠離繁囂地飛去外國放暑假,政府官員又何嘗唔係鬆一口氣,個個買晒機票去度假。立法會真係有咁恐怖咩?有政務官(AO)聽到花生友呢個問號都覺得氣頂,話𠵱家立法會真係同以前唔同,基本上以前做得辛苦係有回報,𠵱家就只係為做而做。

懶理政策能否執行

梁振英上任特首後,官場怨氣衝天,事關佢講就天下無敵,懶理執唔執行到,令啲政務官好洩氣。有政務官同花生友講,其實梁振英早一兩年撞過板後已經算有少少改善,佢哋冇梁振英最初上場時咁辛苦,但近年大鑊嘅卻係立法會拉布,事關好多關於民生嘅嘢,佢哋事先做咗好多工夫,但最後上到立法會喺工務小組被糟質一輪,都未必獲通過,「就算可以直接上財委會再傾,都做到班同事好沮喪」。
當然呢樣嘢都同梁振英有關㗎,如果佢唔係同議員、尤其泛民開晒拖,人哋點會紮馬還擊?亦有人話梁振英始終都係罪魁禍首,好似創科局咁,明明佢嘅愛將楊偉雄都以特別顧問身份上任,泛民又講明堅持唔開綠燈,「我哋都唔明點解一定要再上立法會?𠵱家做好多嘢,都係為做而做,同以前真係好唔同」。花生友有問佢,如果換咗特首,會唔會好啲?「可能會㗎,冇咁好勇鬥狠,情況未必會係咁」。

花生友

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載